وفاقی حکومت کی جانب سے لگژری کاروں کی دوسری نیلامی مہم جلد شروع ہوگی


وفاقی حکومت آئندہ چند ہفتوں میں بُلٹ/بم پروف گاڑیوں سمیت 41 گاڑیوں کی نیلامی کے لیے تیار ہے، ایک مقامی میڈیا ادارے نے بتایا۔

نیلامی کے دوسرے مرحلے کی حتمی تاریخ اب تک حکومت نے نہیں بتائی۔ 17 ستمبر 2018ء کو پہلے مرحلے میں 61 گاڑیاں نیلام کی گئی تھیں۔

ہمارے معتبر ذرائع کے مطابق زیادہ قیمت طلب کرنے کی وجہ سے پہلے مرحلے میں بڑی گاڑیوں کی نیلامی منسوخ کردی گئی تھی، البتہ دوسرے مرحلے میں ان کی قیمتیں گھٹائی جائیں گی۔

نہ صرف وفاقی بلکہ صوبائی حکومتیں بھی اپنی گاڑیاں نیلام کرنے کے لیے تیاریاں کر رہی ہیں۔ 26 ستمبر 2018ء کو ایک اجلاس میں سندھ کابینہ نے 10 سال سے زیادہ پرانی لگژری گاڑیوں کو نیلام کرنے کا فیصلہ کیا۔

قبل ازیں، دنیا نیوز کے بقول، حکومت سندھ نے ایکسٹرا لگژری اور بلٹ پروف گاڑیاں واپس کرنے سے انکار کردیا تھا، جو مختلف سرکاری عہدیدار استعمال کر رہے ہیں اور ان کے استعمال کو قانونی حیثیت دینے کے لیے قانون سازی کر رہی ہے۔

مزید برآں، پنجاب کے وزیر قانون و پارلیمانی امور راجا بشارت نے کہا کہ حکومت قواعد و ضوابط کے مطابق مختلف محکموں کی گاڑیاں نیلام کرے گی۔

اس بارے میں آپ کیا رائے رکھتے ہیں؟ ہمیں نیچے تبصروں میں ضرور بتائیں۔


Top