فارمولا ون ریسنگ میں استعمال ہونے والے مختلف ٹائرز

PirelliF1Tyres1

پاک ویلز بلاگ پر آپ نے بہت سے ٹائرز کے متعلق پڑھا ہی ہوگا جو روز مرہ استعمال کی گاڑیوں میں موجود ہوتے ہیں۔ لیکن آج ہم کو آپ کو فارمولا ون (Formula 1) ریسنگ میں شامل گاڑیوں کے ٹائرز پر بات کریں گے۔ اگر آپ فارمولا ون کے بارے میں نہیں جانتے تو بتاتے چلیں کہ یہ گاڑیوں کا سب سے بڑا اور مہنگا ترین مقابلہ ہے جس میں 18 ٹیمیں حصہ لیتی ہیں۔ فارمولا ون تین روز تک جاری رہتی ہے جو عموماً جمعہ، ہفتہ اور اتوار کے دن منعقد کی جاتی ہے۔ مقابلے کے دوران گاڑیوں میں دو چیزوں کا خصوصی خیال رکھا جاتا ہے جن میں سے ایک ایندھن اور دوسرا ٹائرز ہیں۔ اور ہم آج انہی ٹائرز سے متعلق آپ کو بتانے جا رہے ہیں۔

فارمولا ون میں شامل گاڑیوں کو درج ذیل ادارے ٹائرز بنا کر دیتے رہے ہیں:
• میچلن
• پیریلی
• بریڈجسٹن
• ڈن لوپ
• فائراسٹون
• گڈائیر
• ایوون
• کانٹی نینٹل
• اینگل برٹ

پیریلی کو سال 2011 سے ٹیموں کو ٹائر فراہم کرنے کا اعزاز حاصل ہے۔ یہ ادارہ 6 اقسام کے ٹائرز فراہم کر رہا ہے۔ درمیانے اور نمی والے ٹائرز کے ساتھ دو مختلف جوڑیاں دی جاتی ہیں۔ ان جوڑیوں میں بھی سخت اور نرم ٹائر کا انتخاب دستیاب ہوتا ہے۔ پیریلی نرم ٹائرز کو ‘آپشن’ اور سخت ٹائرز کو ‘پرائم’ کہتی ہے۔ ہر دوڑ میں ٹیمز کو دو اقسام کے خشک ٹائرز لینے ہوتے ہیں اور انہیں دوڑ میں استعمال بھی کرنا ہوتا ہے۔ فارمولا ون قوانین کے مطابق “ہر سیزن میں ایک گاڑی کو 13 خشک ٹائر (سات سخت ‘پرائم’ اور چھ نرم ‘آپشن’)، چار درمیانے اور تین نمی والے ٹائرز تک رسائی حاصل ہوگئی۔فیڈریشن انٹرنیشنل آٹو موبائل (FIA) کو یہ اختیار حاصل ہے کہ وہ کسی بھی ڈرائیور کو دونوں طرز کے ٹائر استعمال نہ کرنے کی پاداش میں مقابلے سے باہر کردے۔

انتہائی نرم ٹائر (Supersoft)

ان ٹائرز پر سرخ رنگ میں لکھا ہوا ہوتا ہے۔ یہ اپنی طرز کے سب سے تیز رفتار لیکن سب سے کم پائیدار ٹائرز ہیں۔ یہ زیادہ تر کوالی فائنگ راؤنڈ میں استعمال کیے جاتے ہیں جہاں لیپ کو برق رفتاری سے مکمل کرنا ضروری ہوتا ہے۔

نرم ٹائر (Soft)

ان پر عمومی طور پر پیلے رنگ میں لکھائی موجود ہوتی ہے۔ یہ ‘آپشن’ اور ‘پرائم’ دونوں ہی طرز پر دستیاب ہوتے ہیں۔ چونکہ یہ زیادہ نرم نہیں اس لیے ان کی رفتار کم ہوتی ہے لیکن یہ اول الذکر سے زیادہ پائیدار ہوتے ہیں۔

اوسط درجے کے ٹائر (Medium)

یہ نرم ڈائر سے تھوڑے زیادہ موٹے ہوتے ہیں اور نرم اور سخت دونوں طرز کی خوبیاں رکھتے ہیں۔ ان پر سفید رنگ میں لکھائی موجود ہوتی ہے۔

سخت ٹائر (Hard)

یہ ٹائرز سب سے زیادہ پائیدار تصور کیے جاتے ہیں اور ان پر نارنجی رنگ کی لکھائی سے پہچانا جاسکتا ہے۔ یہ نرم اور اوسط درجے کے ٹائرز کے برعکس صرف ایک طرز پر پیش کیے جاتے ہیں۔ان پر گرفت قدرے مشکل ہوتی ہے۔یہ ہموار سطح کے ساتھ بھی دستیاب ہیں۔ اس کے علاوہ پیریلی برسات اور نمی والی صورتحال کے لیے بھی دو مختلف اقسام کے ٹائرز بھی فراہم کرتا ہے۔

متوسط ٹائر (Intermediate)

یہ مختلف نقش و نگار کے حامل ٹائرز ہوتے ہیں اور ان پر ہرے رنگ سے لکھائی موجود ہوتی ہے۔ یہ ہموار اور نمی والے ٹائرز کے درمیانی طرز کہے جاسکتے ہیں۔ یہ دوڑ کے ٹریک پر موجود پانی موجود نہ ہونے کی صورت میں استعمال کیے جاتے ہیں۔

نمی والے ٹائر (Wet/Full Wet)

ان پر نیلے رنگ سے لکھائی موجود ہوتی ہے اور یہ شدید برسات یا دوڑ کے ٹریک پر پانی موجود ہونے کی صورت میں استعمال کیے جاتے ہیں۔ اگر دوڑ شروع ہونے سے قبل ہی شدید بارش کا سامنا ہو تو ان کا استعمال لازمی ہوجاتا ہے۔

PirelliF1Tyres2

  • Alpha Bravo

    Good info bro. thank u

Top