آٹومیٹک گیئر D پر پھنس گیا؟ مسئلہ کا آسان حل جانیے!

2012_honda_civic

آج دفتر میں بیٹھے بیٹھے میرے ایک ساتھی نے ہونڈا سِوک کے آٹومیٹک گیئر میں عجیب مسئلے کا ذکر کیا۔ اس نے بتایا کہ عین روڈ پر بیٹری خراب ہوجانے کی وجہ سے گاڑی بند ہوگئی اور گیئر D پر پھنس گیا۔ وہ کہہ رہا تھا کہ انجن اسٹارٹ کرے بغیر گیئر کو D سے N پر لے جانا ممکن نہیں۔ اس کی باتیں سن کر مجھے کچھ حیرانی ہوئی۔ مزید استفسار پر میرے دوست نے بتایا کہ سِوک میں گاڑی اسٹارٹ کرے بغیر گیئر کو نیوٹرل (N) پر لے جانا ممکن نہیں۔ بہرحال، یہ بات میرے لیے اب بھی غیر یقینی ہی تھی۔

گاڑیوں میں ایک ‘شفٹ لاک’ دیا جاتا ہے۔ یہ حفاظتی بٹن یا چابی لگانے کے لیے چھوٹے سے خانے کی صورت میں موجود ہوتا ہے۔ اس کا مقصد نیوٹرل (N) یا کسی دوسرے گیئر کی طرف منتقلی آسان بنانا ہے۔ لیکن ایسا کیسے ممکن ہے کہ نئی گاڑی میں آٹو میٹک گیئر کے ساتھ یہ سہولت نہ دی گئی ہو؟ خدانخواستہ اگر آپ کی گاڑی کا انجن کسی مصروف شاہراہ پر خراب ہوجائے تو کیا ہوگا؟ کیا آپ گاڑی میں بیٹھے بیٹھے تماشہ دیکھتے رہیں گے یا پھر گاڑی کو کسی محفوظ جگہ منتقل کرنے کی کوشش کریں گے؟

یہ بھی پڑھیں: نئی گاڑیوں کے CVT گیئر باکس میں P، R، N، D، S اور B کیا ہیں؟

چونکہ میرے پاس نئی ہونڈا سِوک یا ٹویوٹا کرولا نہیں ہے اس لیے میں نے اپنے دوست و احباب میں ایسے افراد سے رابطہ کیا جن کو ان دونوں یا کسی بھی ایک گاڑی کو چلانے کا تجربہ ہو۔ آٹومیٹک ہونڈا سِوک رکھنے والے میرے ایک قریبی دوست نے تصدیق کی کہ اس میں شفٹ لاک کی سہولت موجود ہے۔ یہ گیئر باکس پر موجود ایک خانے میں بند ہے جس کا چھوٹا سا پلاسٹک کا دروازہ ڈیش بورڈ ہی کے رنگ کا ہے۔ گیئر پھنسنے کی صورت میں آپ اس خانے کا دروازہ ہٹائیں اور گاڑی کی چابی لگا دیں۔ یوں آپ کا گیئر بالکل ٹھیک کام کرنے لگے گا۔ یہ بالکل عام سا طریقہ ہے اور اس میں انجن کا کوئی عمل دخل نہیں۔

ہوسکتا ہے ہمارے بہت سے قارئین اس حوالے سے بخوبی جانتے ہوں۔ لیکن وہ لوگ جو آٹومیٹک گیئر سے مانوس نہیں، ان کے لیے ایسی چیزیں جاننا بہت ضروری ہیں۔ آٹومیٹک گیئر کی حامل نئی گاڑی لیں تو ہمیشہ ایسی حفاظتی سہولیات سے متعلق ضرور معلومات حاصل کریں۔ بصورت دیگر آپ کو کسی قسم کا نقصان بھی ہوسکتا ہے۔ یاد رہے کہ گیئر کو D پر چھوڑ کر گاڑی کو دھکا لگا کر چلانے کی کوشش سے ٹرانسمیشن جل جانے کا خدشہ رہتا ہے۔

ہونڈا سِوک (آٹھویں جنریشن) کا آٹومیٹک گیئر
Automatic-Gear-Shift

ہونڈا سِوک (نویں جنریشن) کا آٹومیٹک گیئر

new civic shift lock slot

DSC_0009a

DSC_0010a

DSC_0011a

Top