عیدالفطر سے قبل پیٹرولیم مصنوعات کی قیمتوں بڑھانے کی تجویز مسترد

fuel price

وفاقی حکومت نے رواں ماہ جولائی 2016 میں عید الطفر کی آمد سے قبل پیٹرولیم مصنوعات کی قیمتیں تبدیل نہ کرنے کا فیصلہ کیا ہے۔ آئل اینڈ گیس ریگولیٹری اتھارٹی (اوگرا) کی جانب سے مسلسل تیسری بار پیٹرول اور ڈیزل سمیت تمام ہی پیٹرولیم مصنوعات کی قیمتیں بڑھانے کی تجویز دی گئی تھی تاہم حکومت نے اس بار صرف لائٹ ڈیزل کی قیمت میں 5.38 روپے کی تجویز منظور کرتے ہوئے دیگر مصنوعات کی فروخت اپریل 2016 میں متعین کردہ قیمتوں پر جاری رکھنے کا فیصلہ کیا ہے۔

یہ بھی پڑھیں: بے ہنگم ٹریفک کے باعث کراچی میں سالانہ 400 ارب روپے کا ایندھن ضائع ہوتا ہے

وزیر خزانہ اسحاق ڈار نے تازہ فیصلے کو حکومت کی جانب سے عوام کو عیدالطفر کا تحفہ قرار دیا ہے۔ وفاقی وزیر نے کہا کہ حکومت عوام کو ہر ممکن رعایت فراہم کی کوشش کر رہی ہے اور اسی ضمن میں پیٹرول، ڈیزل، ہائی آکٹین اور مٹی کے تیل کی قیمتیں بڑھانے کی تجویز مسترد کردی گئی ہے۔

یاد رہے کہ اوگرا نے جولائی 2016 کے لیے مٹی کے تیل میں 8.62 روپے فی لیٹر، لائٹ ڈیزل میں 5.38 روپے فی لیٹر، ہائی اسپیڈ ڈیزل کی قیمت میں 3.75 روپے فی لیٹر، ہائی آکٹین کی قیمت میں 3.53 روپے فی لیٹر جبکہ پیٹرول کی قیمت میں 1.93 روپے فی لیٹر بڑھانے کی سفارش کی تھی۔ اس سے قبل مئی اور جون میں بھی اوگرا نے پیٹرولیم مصنوعات کی قیمتوں میں اضافے کی سفارش کی تھی تاہم دونوں ہی مرتبہ وزیر اعظم نواز شریف نے تمام تجاویز کو رد کردیا تھا۔

تازہ حکومتی فیصلے کے بعد جولائی 2016 کے لیے پیٹرولیم مصنوعات کی قیمتیں یہ ہیں:

پیٹرولیم مصنوعات قیمت (روپے/فی لیٹر)
پیٹرول 64.27
لائٹ ڈیزل 43.35
ہائی اسپیڈ ڈیزل 72.25
مٹی کا تیل 43.25
ہائی آکٹین 72.62
Asad Aslam

A PakWheeler with a degree in mass communication. He tweets as @masadaslam

Top