ٹیسلا کا سائبر ٹرک، مستقبل کی گاڑی منظرِ عام پر


گاڑیوں کے شوقین افراد ٹیسلا کی چھٹی الیکٹرک گاڑی یعنی سائبر ٹرک کی رونمائی کا شدت سے انتظار کر رہے تھے۔ یہ ایک مکمل الیکٹرک پک اَپ ٹرک ہے جو انتہائی مضبوط اسٹین لَیس اسٹیل سے بنا ہوا ہے۔ سائبر ٹرک کی رونمائی ٹیسلا موٹرز کے ڈیزائن اسٹوڈیو میں ہوئی۔ ویسے یہ رونمائی رواں سال کے شروع میں ہونا تھی لیکن ٹیسلا نے اسے نومبر تک مؤخر کر دیا تھا۔ اس ٹرک کے ایک موٹر ورژن کی قیمت 39,900 ڈالرز ، ڈوئل-موٹر کی 49,900 ڈالرز اور ٹرائی موٹر کی 69,900 ڈالرز ہے۔ ایلون مسک نے پہلے سائبر ٹرک کو فلم ‘بلیڈ رَنر’ کا ٹرک قرار دیا تھا۔ ٹیسلا کم از کم مزید دو سال تک اس ٹرک کی پیداوار شروع نہیں کرے گا۔ البتہ اس نے بَیس ماڈل جمع کرنا شروع کر دیے ہیں۔ مسک 2012ء سے ایک مکمل الیکٹرک ٹرک پر کام کر رہے ہیں۔ 

ایکسٹیریئر اور انٹیریئر 

اسٹین لَیس اسٹیل باڈی فریم سائبر ٹرک کو زبردست طاقت اور مضبوطی دیتا ہے۔ یہ مٹیریل انتہائی سخت 30X cold-rolled اسٹین لیس اسٹیل ہے جس میں کچھ بھی داخل نہیں ہو سکتا۔ سائبر ٹرک کا ڈیزائن انداز تیز کنارے اور ایک جیسی صورت رکھتا ہے۔ ایلون مسک کے مطابق یہ ٹرک 9 ایم ایم پستول کے خلاف مزاحمت تک رکھتا ہے۔ یہ ٹرک 14,000 پاؤنڈز تک کی کھینچنے کی صلاحیت کا حامل ہے۔ ٹرک کے گرد کیمرے لگے ہوئے ہیں تاکہ پارکنگ میں مدد ملے اور کم گنجائش رکھنے والی جگہوں پر اسے باآسانی چلایا جا سکے۔ سائبر ٹرک آٹو پارک اور مکمل سیلف ڈرائیونگ رکھتا ہے تاکہ شہر کے اندر ڈرائیونگ کو آسان بنایا جائے۔ انٹیریئر کافی کشادہ ہے اور اس میں چھ مسافر بیٹھ سکتے ہیں۔ سائبر ٹرک میں ایک آن بورڈ ایئر کمپریسر بھی مل سکتا ہے کیونکہ یہ ڈائنامک ایئر سسپنشن کے ساتھ آتا ہے۔ Adaptive ایئر سسپنشن اور آٹو پائلٹ دونوں اِس ٹرک کے اسٹینڈرڈ فیچرز ہیں۔ اپروچ اینگل 35 ڈگری کا ہے اور ڈپارچر اینگل 28 ڈگری کا۔ 

اس کی ڈِگی کافی کشادہ ہے اتنی کہ ایک الیکٹرک RV کے لیے کافی ہے۔ انٹیریئر میں درمیان میں 17 انچ کی انفوٹینمنٹ اسکرین ہوگی۔ انٹیریئر ڈیزائن سادہ اور صاف ستھرا ہے اور ماڈل 3 سے ملتا جلتا ہے۔ سائبر ٹرک کی کُل اسٹوریج گنجائش 100 مکعب فٹ ہے۔ باہر سے یہ ٹرک کسی خلائی ٹینک جیسا لگتا ہے اور یہ بنا بھی انہی چیزوں سے ہے کہ جو خلائی جہاز ہی استعمال کرے گا۔ سائبر ٹرک کی بلٹ پروف فطرت اسے مضبوط اور مستحکم صورت دیتی ہے۔ ایکسٹیریئر کی پیمائش فورڈ 150 جیسی ہے۔ سائبر ٹرک میں 110 اور 220 وولٹ کے پاور آؤٹ لیٹ ہیں جنہیں الیکٹرانک آلات بلکہ ایک الیکٹرک RV تک کو چارج کرنے کے لیے استعمال کیا جا سکتا ہے۔ نچلا سینٹر آف گریوِٹی تیز رفتار ہونے پر ٹریکشن کو بہتر بنانے کے کام آتا ہے۔ پیچھے vault/bed  کو ایک مضبوط magic tonneau کوَر سے ڈھکا جا سکتا ہے۔ 

انجن اور کارکردگی

سائبر ٹرک سنگل، ڈوئل اور ٹرائی موٹرز اور آل ویل ڈرائیو سسٹم کے ساتھ آئے گا۔ تین موٹرز کا حامل بہترین ماڈل 500 میل سے زیادہ کی الیکٹرک رینج رکھتا ہے۔ سائبر ٹرک کا صرف 2.9 سیکنڈز میں صفر سے 60 میل فی گھنٹہ کی رفتار تک پہنچنا متوقع ہے۔ یہ میدانِ عمل میں آنے کے بعد تیز ترین پروڈکشن ٹرک ہوگا۔ یہ 3500 پاؤنڈز کی پے لوڈ گنجائش بھی رکھتا ہے۔ اگر آپ مکمل سیلف ڈرائیونگ میں دلچسپی رکھتے ہیں تو آپ کسی بھی ماڈل میں 7,000 ڈالرز میں شامل کروا سکتے ہیں۔ 

ٹیسلا کے نئے سائبر ٹرک کے بارے میں اپنی رائے نیچے تبصروں میں دیں۔ مزید خبروں کے لیے آتے پاک ویلز پر آتے رہیں۔


Google App Store App Store

Top