پاک ویلز کار فائنانس سے من پسند گاڑی لینا اب بہت ہی آسان!
پاک ویلز اپنے قارئین اور صارفین کو گاڑیوں کے شعبے سے متعلق بہترین خدمات فراہم کرنے کے لیے کوشاں ہیں۔ ہماری بے شمار آن لائن سروسز میں سے ایک ‘ کار فائنانس’ کے ذریعے آپ نئی اور پرانی گاڑی خریدنے کے لیے قرضہ بھی لے سکتے ہیں۔ اس صفحے پر موجود خصوصی کیلکولیٹر سے آپ اپنی من پسند گاڑی کے لیےبہترین ڈیل منتخب کرسکتے ہیں۔اس مضمون میں ہم پاک ویلز کار فائنانس کامختصر جائزہ اور استعمال کرنے کا طریقہ کار آپ کو بتائیں گے تاکہ آپ ہماری اس منفرد آن لائن سروس سے مکمل استفادہ حاصل کرسکیں۔واضح رہے کہ کار فائنانس کا شمار ہماری ویب سائٹ پر سب سے زیادہ دیکھے جانے والے صفحات میں ہوتا ہے۔
پاک ویلز کار فائنانس ملاحظہ کریں: https://www.pakwheels.com/car-loan-calculator
پاک ویلز اس وقت ملک بھر کے 11 بڑے بینکوں کے ساتھ اپنے صارفین کو بہترین ڈیلز فراہم کرنے کے لیے کام کر رہا ہے۔ ان بینکوں میں شامل ہیں:
بینک الفلاح
ایم سی بی
حبیب بینک لمیٹڈ
یو بی ایل
دبئی اسلامک بینک
بینک آف پنجاب
عسکری بینک
این آئی بی
بُرج بینک
سونیری بینک
فیصل بینک
پاک ویلز کار فائنانس کا صفحہ کھولتے ہیں آپ کے سامنے خصوصی کیلکولیٹر ظاہر ہوجائے گا۔ یہاں اپنے مطابق نئی اور پرانی گاڑی میں سے جس کا چاہے انتخاب کرلیں۔مثال کے طور پر ہم پہلے استعمال شدہ گاڑی منتخب کرتے ہیں۔ یہاں کیلکولیٹر آپ سے چند معلومات دریافت کرے گا جن میں قیمت،گاڑی کے ماڈل کا سال،قرضے کی معیاد اور بیعانہ/ابتدائی ادائیگی کی شرح شامل ہے۔ استعمال شدہ گاڑی کے لیے کوئی مخصوص کار ساز ادارے کا نام اور ماڈل منتخب کرنا ضروری نہیں۔
مثال کے لیے اگر آپ رقم کے خانے میں 1200000، ماڈل میں 2012،قرضے کی معیاد میں 3سال اور ابتدائی ادائیگی 20 فیصد منتخب کر کے کیلکولیٹ (Calculate) پر کلک کرتے ہیں تو آپ کے سامنے اسی اعتبار سے تمام 11 بینکوں کی بہترین ڈیلز ظاہر ہوجائیں گی۔ ان ڈیلز میں تمام تفصیلات بشمول ابتدائی ادائیگی، ماہانہ اقساط اور پروسیسنگ فیس وغیرہ شامل ہوں گی۔ یہاں سے آپ سب سے بہترین ڈیل منتخب کریں اور جس بینک میں چاہیں درخواست جمع کرواسکتے ہیں۔
اگر آپ نئی گاڑی لینا چاہیں تو کیلکولیٹر میں کار ساز ادارے کا نام، گاڑی کا ماڈل، قرضے کی معیاد اور بیعانہ / ابتدائی ادائیگی منتخب کر کے باآسانی اپنی من پسند گاڑی کی بہترین ڈیلز دیکھ سکتے ہیں۔ مثال کے طور پر اگر آپ نئی سوزوکی سوِفٹ لینا چاہتے ہیں تو پہلے خانے میں Suzuki منتخب کریں، پھر ماڈل کے خانے میں Swift اور ورژن کے خانے میں DLX 1.3 Automatic منتخب کر کے قرض کی معیاد 5 سال اور ابتدائی ادائیگی 30 فیصد منتخب کرتے ہیں تو آپ کو تمام بینکوں کی بہترین ڈیلز پیش کردی جائیں گی۔ یہاں بھی آپ تمام تفصیلات بشمول پراسسنگ فیس، ابتدائی ادائیگی اور ماہانہ اقساط وغیرہ دیکھ سکتے ہیں۔
اگر آپ کسی مخصوص بینک سے ہی گاڑی لینے کے خواہش مند ہیں تو اس کا انتخاب بھی موجود ہے۔ اپنی پسندیدہ ڈیلز منتخب کرنے کے بعد اپنی درخواست ارسال کردیں۔
کار فائنانس ہماری مشہور ترین آن لائن سروسز میں سے ایک ہے جہاں دن کے 24 گھنٹے اور ہفتے کے 7 دن میں سے کسی بھی وقت استفادہ حاصل کرسکتے ہیں۔ ہمارا عزم اپنے قارئین کو گاڑیوں اور موٹر سائیکل سے متعلق خدمات کو مزید بہتر اور سہل انداز میں پیش کرنا ہے۔