گندھارا نے پاکستان میں اِسوزو ڈی-میکس ڈیزل پک اپ ٹرکوں کی نئی لائن اپ جاری کردی


جاپانی اِسوزو پک اپس، ٹرکوں اور بسوں کے مجاز اسمبلر اور مینوفیکچرر گندھارا انڈسٹریز لمیٹڈ (GIL) نے پاکستان میں پک اپ ٹرکوں کی نئی رینج پیش کردی ہے۔ GIL پاکستان کی قدیم ترین آٹوموبائل کمپنیوں میں سے ایک ہے (قائم شدہ 1953ء) جو قابلِ بھروسہ، سستی اور ایندھن کی کم کھپت کرنے والی ہلکی، درمیانی اور بھاری کمرشل گاڑیاں بناتی ہے۔ اسوزو ڈی-میکس ڈیزل پک اپ ٹرکوں کی نئی رینج ہے جو جاپانی کمپنی نے جیل روڈ، لاہور پر اپنی نئی 3S ڈیلرشپ پر پر باضابطہ طور پر لانچ کی تھی۔ پاک ویلز اس تقریب میں پیش کردہ مصنوعات کو قریب سے دیکھنے کے لیے شریک ہوا۔

پہلے اِسوزو کے بارے میں بات کریں

اس سے پہلے کہ آپ کو نئے ٹرک کے بارے میں بتائیں چھ باتیں بحیثیت کمپنی اِسوزو کے بارے میں جان لیتے ہیں۔ ہمارے بزرگ قارئین کو یاد ہوگا کہ یہ ایک پرانی کمپنی ہے اور اِسوزو کے مختلف ماڈلز ہیں جو وقتاً فوقتاً آتے رہے ہیں، آج بھی اور ماضی میں بھی۔ لیکن ہمارے نوجوان قارئین کے کمپنی کے بارے میں خیالات شاید کچھ اور ہوں گے۔ اِسوزو ایک جاپانی آٹومیکر ہے جو عرصے سے ہیوی ڈیوٹی گاڑیاں اور ڈیزل انجن بناتا ہے۔ اِسوزو دنیا بھر میں 21 ملین سے زیادہ ڈیزل انجنز فروخت کر چکا ہے جو مختلف گاڑیاں بنانے والے اداروں کی جانب سے استعمال کیے گئے اور اب 7 ماہ سے پاکستان میں ٹرکوں اور بسوں کے شعبے میں مارکیٹ رہنما کی حیثیت رکھتا ہے اور مالی سال 2017-18ء میں اب تک 4,000 یونٹس فروخت کر چکا ہے۔

اور اب اِسوزو جاپان گندھارا انڈسٹریز کے تعاون سے اپنے دنیا بھر میں معروف، آزمودہ اور ثابت شدہ ڈی-میکس پک اپ ٹرکس پاکستان میں لانچ کر چکا ہے۔ نئے ڈیزل سے چلنے والے پک اپس مختلف باڈی اور پاور ٹرین صورتوں میں دستیاب ہیں۔ اِسوزو ڈی-میکس پک اپ ٹرکس CKD وینٹس ہیں اور کراچی میں گندھارا پلانٹ پر اسمبل کیے جار ہے ہیں۔

گندھارا انڈسٹریز نے ایک اعزاز حاصل کیا

گندھارا انڈسٹریز لمیٹڈ پاکستان میں آٹوموبائل انڈسٹری کے بانیوں میں سے ایک ہے۔ حال ہی میں گندھارا انڈسٹریز لمیٹڈ کو 2018ء کے لیے فوربس ایشیا “Best Under A Billion” کمپنیز میں سے ایک منتخب کیا گیا تھا۔ کمپنی نے مسلسل یہ اعزاز حاصل کیا اور بین الاقوامی سطح پر ایشیا میں درمیانے درجے کی 200 بہترین پبلک لمیٹڈ کمپنیوں میں تسلیم کی گئی ہے۔ CEO جناب احمد قلی خان خٹک اور ڈپٹی چیف ایگزیکٹو جناب محمد قلی خان خٹک نے 19 نومبر 2018ء کو ٹوکیو، جاپان میں ہونے والے فورم اینڈ ایوارڈز ڈنر میں یہ اعزاز حاصل کیا۔

افتتاحی تقریب میں ہم نے پایا کہ گندھارا انڈسٹریز لمیٹڈ ڈی-میکس کے کُل چھ ویریئنٹس متعارف کروا چکا ہے۔ ان میں سے چار اِسوزو 2.5L ٹربو ڈیزل انجن سے لیس ہیں جبکہ دو ویریئنٹس 3.0L ٹربو ڈیزل انجن کے حامل ہیں۔

اِسوزو ڈی-میکس قیمتیں

مختلف ویریئنٹس اور ان کی ایکس-فیکٹری قیمتیں کچھ یوں ہیں:

ڈی-میکس ہائی-اسپارک 2.5L 2×4 سنگل کیبن ڈیک لیس 2,425,000
ڈی-میکس ہائی-اسپارک 2.5L 2×4 سنگل کیبن اسٹینڈرڈ 2,625,000
ڈی-میکس ہائی-لینڈر 2.5L 4×4 سنگل کیبن 3,725,000
ڈی-میکس ہائی-لینڈر 2.5L 4×4 ڈبل کیبن 3,975,000
ڈی-میکس وی-کراس 3.0L مینوئل 4,450,000
ڈی-میکس وی-کراس 3.0L آٹومیٹک 4,675,000

افتتاح کے دن نے ممکنہ خریداروں کے لیے آنے اور مصنوعات کو بذاتِ خود دیکھنے کا موقع فراہم کیا۔ اور یہ کہنا غلط نہ ہوگا کہ شوروم میں افتتاح کے پہلے دن لوگوں کی خاصی تعداد موجود تھی۔ کئی لوگ یہ ٹرک دیکھنے آئے تھے، اور یہ حیران کن نہیں تھا کہ اس روز موقع پر ہی ٹرک فروخت بھی ہوئے۔ کہا جا سکتا ہے کہ یہ اِسوزو کی پروڈکٹ اور ساتھ ہی گندھارا کے نام پر لوگوں کی اعتماد کا مظہر ہے۔

شو روم میں ڈی-میکس ٹرکوں کا استقبال – اچھا اور بُرا

ڈسپلے پر موجود ٹرک اعلیٰ معیار کے تھے اور مہمانوں نے ان گاڑیوں کی مجموعی بلڈ کوالٹی کو سراہا۔ فیچرز اور اپنی ریٹیل قیمت کے ساتھ لوگوں نے جلد ہی ان ٹرکوں کے حوالے سے اپنے پیسے کی قدر کو جان لیا۔ اور یہی وجہ ہے کہ ڈی-میکس ٹرکوں کی فروخت شوروم پر پہلے ہی دن اسی وقت شروع ہوگئی۔ البتہ ایک چیز نئے ٹرکوں کی جانچ کے دوران سامنے آئی کہ غالباً انٹیریئر میں ڈیش بورڈ کے مٹیریل کو کچھ بہتر بنانے کی ضرورت ہے۔ اگر گندھارا پاکستان اور اِسوزو کو پاکستان میں ٹرک مارکیٹ میں دوسروں کی اجارہ داری کے خلاف کامیابی حاصل کرنی ہے تو اس پہلو پر کام کرنا ہوگا۔ صارفین کا فِیڈبیک کسی بھی ادارے کے لیےاپنی پروڈکٹ کو بہتر بنانے کے لیے ضروری ہے تاکہ وہ صارفین کے لیے بہترین خدمات فرہم کر سکے۔ ہمیں امید ہے کہ اِسوزو پاکستان اس معاملے پر ضرور نگاہ ڈالے گا۔

یہ کہنا غلط نہ ہوگا کہ 3S بہت متاثر کُن ہے اور مارکیٹ میں ڈی-میکس کو ایک سنجیدہ مقابل بنانے میں اہم کردار ادا کرے گا۔ ایونٹ میں پاک ویلز نے مہمانوں سے اُن کے خیالات اور نئی ڈی-میکس کے بارے میں اوّلین تاثرات کے بارے میں پوچھا اور مجموعی طور پر ان کے جوابات مثبت تھے۔ ڈی-میکس اور اس کی مقابل گاڑیوں کے درمیان قیمت کا فرق ہی کافی تھا کہ لوگ اسے اپنی مستقبل کی گاڑی کے امکان پر غور کریں۔

GM مارکیٹنگ اینڈ سیلز GIL جناب عمران رشید

پاک ویلز سے بات کرتے ہوئے جناب عمران رشید، GM مارکیٹنگ اینڈ سیلز GIL نے کہا کہ گندھارا کو ایسی پروڈکٹ بنانے کے لیے تحقیق اور کام میں تقریباً پانچ سال لگ گئے کہ جو پاکستان آٹوموبائل شعبے کے صارفین کو خدمات دے سکے۔ انہوں نے مزید کہا کہ اِسوزو مقابلے کی دوڑ سے الگ رہنا چاہتی ہے اور بجائے کسی مقابلے میں کھڑا رہنے کے اپنے پرستاروں کی الگ دنیا کھڑی کرنے کی منصوبہ بندی کر رہی ہے۔ انہوں نے زور دیا کہ اِسوزو ڈی-میکس بہتر بلڈ کوالٹی رکھتی ہے اور ساتھ ساتھ ڈی-میکس ڈھانچے کے لحاظ سے زیادہ مضبوط اور پائیدار بھی ہے۔

ایکسیسریز اور بعد از فروخت پرزے

ڈی-میکس کے لانچ کے موقع پر ایک اور دلچسپ قدم اٹھاتے ہوئے گندھارا نے اپنی پِک اپس کے لیے بعد از فروخت وژوئل اور aesthetic یعنی جمالیاتی اپگریڈز کے سلسلے کا بھی اجراء کیا۔ جناب عمران نے گفتگو کے دوران ایک نقطہ اٹھایا کہ پاکستان میں پک اپس کے خریداروں میں یہ ایک عام رحجان ہے کہ وہ اپنی گاڑی کے لیے ایکسیسریز لیتے ہیں چاہے ان کی گاڑی نت نئی کیوں نہ ہو۔ تو اس رحجان کو مدنظر رکھتے ہوئے گندھارا نے ایسے صارفین کی ضروریات اعلیٰ معیار کی مصنوعات پیش کرنے کا فیصلہ کیا کہ جو اعلیٰ معیار کی ایکسیسریز اور خوبصورت پرزے براہ راست شوروم سے لے سکیں بلکہ ڈلیوری سے قبل انہیں انسٹال بھی کروا سکیں۔

پاکستان کی آٹو انڈسٹری دہائیوں سے اجارہ داری کے ہاتھوں پر پریشان ہے۔ یہ بہترین وقت ہے کہ خریدار نئے آنے والے اداروں کو سپورٹ کریں نہ صرف اجارہ داری کے خاتمے بلکہ مقابلے کی فضاء بھی بنانے کے لیے۔ اِسوزو ڈی-میکس مارکیٹ میں آنے والا ایک نیا ادارہ ہے جسے واقعتاً سنجیدہ لینے کی ضرورت ہے کیونکہ یہ پاکستان کی آٹو انڈسٹری کو درپیش جمود کو توڑنے کی صلاحیت رکھتی ہے۔


Writing about cars and stuff.

Top