گندھارا نسان کا منافع 91 فیصد بڑھ گیا


پاکستان اسٹاک ایکسچینج کو بھیجے گئے نوٹس میں ادارے نے ظاہر کیا کہ مالی سال 17-18 میں 91 فیصد اضافے کے ساتھ 1.35 ارب روپے تک پہنچ چکا ہے۔

البتہ پچھلے سال کے اسی عرصے میں ادارے نے 0.7 ارب روپے کا خالص منافع ظاہر کیا تھا۔

مالی سال 17-18 میں ادارے کا محض خالص منافع ہی نہیں بڑھا، بلکہ اس کی آمدنی فی حصص بھی 15.96 روپے سے بڑھ کر 29.92روپے تک پہنچ چکی ہے۔ یہ امر یہاں قابل ذکر ہے کہ خالص منافع میں اضافے کے باوجود ادارے کی مجموعی آمدنی 6.5 ارب روپے سے گھٹ کر 4.9 ارب روپے پہنچ چکی ہے اور کل منافع بھی 35 فیصد کم ہوا ہے۔

ادارہ گاڑیوں کی اسمبلی اور مینوفیکچرنگ کے لیے مقامی آٹو انڈسٹری میں 41.3 ملین ڈالرز کی سرمایہ کاری کی تیاری کر رہا ہے۔ اسے آٹو پالیسی 2016-21ء کے تحت حکومت کی جانب سے براؤن فیلڈ سرمایہ کاری اسٹیٹس نوازا گیا ہے۔

یہ چینی شراکت دار JAC موٹرز کے ساتھ تعاون میں مقامی سطح پر JAC X200 اسمبل کرنا شروع کر چکا ہے۔ اس نے 2 اپریل 2018ء کو پورٹ قاسم، کراچی میں واقع گندھارا نسان ٹرک پلانٹ میں مقامی طور پر اسمبل شدہ X200 کی تقریب رونمائی کی۔

jac x200 (4)

jac x200 (3)

مزید برآں، گندھارا نسان نے ملک میں ہیوی ڈیوٹی ٹرکوں کی درآمد کے لیے رینو (رینالٹ) ٹرک SAS کے ساتھ درآمدی معاہدے پر بھی دستخط کیے ہیں۔ گندھارا نسان کے علاوہ حال ہی میں ٹویوٹا IMC نے مالی سال 18ء میں 21.31 فیصد خالص منافع کا اضافہ پیش کیا۔

تازہ ترین خبروں کے لیے آتے رہیے۔


Top