چین میں ہونڈا سِٹی کا نیا ہیچ بیک انداز پیش کیا جائے گا

Honda Jazz look alike in China

پچھلے سال ڈونگ فینگ-ہونڈا نے چین میں ہونڈا گریز کے نام سے ایک گاڑی متعارف کروائی تھی۔ گریز دراصل ہونڈا سٹی (Honda City) جیسی درمیانے سائز کی سیڈان گاڑی تھی جسے گوانگژو آٹو موبائل گروپ نے تیار کیا تھا۔XR-V کی طرح ہونڈا گریز بھی ان گاڑیوں میں سے ایک ہے جسے صرف چین ہی میں فروخت کے لیے تیار کیا گیا۔ اب ڈونگ فینگ-ہونڈا مقامی مارکیٹ میں ایک نئی گاڑی ہونڈا جینیا کے نام سے متعارف کروانے کی تیاری کر رہی ہے جو بظاہر ہونڈا گریز یعنی سِٹی کا ہی ہیچ بیک انداز ہے۔

یہ بھی پڑھیں: جیانگ نان TT: سوزوکی مہران کی ہم شکل اور چین کی سستی ترین گاڑی!

اس وقت دنیا بھر میں ہونڈا فِٹ اور جیز کو سِٹی کا ہیچ بیک انداز تصور کیا جاتا ہے۔ لیکن چونکہ چین کی مارکیٹ دیگر ممالک سے کافی مختلف ہے اس لیے یہاں جینیا کو بطور گریز/سِٹی ہیچ بیک تیار کیا جارہا ہے۔ مختلف ذرائع سے ملنے والی خبروں کے مطابق 1500cc انجن کی حامل ہونڈا جینیا صرف مرکزی چین میں فروخت کی جائے گی۔ یہ انجن 5-اسپیڈ مینوئل یا CVT گیئر باکس کے ساتھ 129 ہارس پاور اور 155 نیوٹن میٹر ٹارک فراہم کرنے کی صلاحیت رکھتا ہے۔

انٹرنیٹ پر دستیاب ہونڈا جینیا کی تصاویر دیکھ کر اندازہ ہوتا ہے کہ یہ سال 2014 میں بیجنگ انٹرنیشنل آٹو شو کے دوران پیش کیے جانے والے کانسیپٹ B سے کافی ملتی جلتی ہوگیجسے ڈونگ فینگ-ہونڈا نے ہی تیار کیا تھا۔ دلچسپ بات یہ ہے کہ چین میں ہونڈا سٹی اور گریز دونوں ہی گاڑیاں یکساں ہونے کے باوجود دستیاب ہیں اور اسی طرح ہونڈا جیز کے ساتھ اب جینیا بھی تیار اور فروخت کی جائے گی۔

نئی ہونڈا سِٹی آسان ماہانہ اقساط پر حاصل کرنے کے لیے یہاں کلک کریں

کیا آپ اس طرز کی گاڑی پاکستان میں بھی دیکھنا چاہتے ہیں؟ اس بارے میں اپنی رائے سے ضرور آگاہ کریں۔

ہونڈا جینیا

ہونڈا گریز

ہونڈا کانسیپٹ B

Adan Ali

A writer and an avid filmmaker with a passion for producing non-political media. He is the CEO of The Nixor Times, a journalistic entity that currently operates inside Nixor College, along with that, he occasionally contributes to some of the most reputable media portals in and outside of Pakistan, namely, Dawn, PakWheels, and Drive Tribe. He tweets @adanali12 and runs his channel on YouTube as youtube.com/adanali1/

Top