حکومت CNG کے نرخوں میں 15 روپے کا اضافہ کرے گی


ایک تازہ ترین خبر میں یہ بتایا جا رہا ہے کہ حکومت CNG کے نرخ 15 روپے فی کلو بڑھائے گی۔

تفصیلات کے مطابق قیمتوں میں یہ  اضافہ زیادہ تر خیبر پختونخوا، سندھ اور بلوچستان کو متاثر کرے گا جبکہ دوسری جانب پنجاب میں گیس اسٹیشنز اس سے زیادہ متاثر نہیں ہوں گے کیونکہ یہاں تقریباً تمام ہی گیس اسٹیشنز CNG سے LNG پر منتقل ہو چکے ہیں۔

CNG کی نئی قیمت ممکنہ طور پر رواں ہفتے سے نافذ ہو جائے گی۔ ذرائع ابلاغ سے بات کرتے ہوئے CNG اسٹیک ہولڈرز نے کہا کہ یہ تین سالوں کے گیس اسٹیشنز کو CNG سے LNG پر منتقل کرنے کی عمداً کوشش ہے جس کا مقصد LNG ٹرمینل آپریٹرز کو زبردست فائدہ پہنچانا ہے۔

قبل از حکومت نے گیس کی قیمتوں میں اضآفے کا بھی اعلان کیا تھا، صرف مسافر ہی نہیں بلکہ مقامی ٹرانسپورٹرز بھی اس فیصلے کے خلاف سراپا احتجاج ہیں۔ دیکھتے ہیں ٹرانسپورٹرز اور دیگر CNG اسٹیک ہولڈرز اس پیشرفت پر کیا ردعمل دکھاتے ہیں۔

وفاقی حکومت نے گیس کے نرخوں میں 40 فیصد تک اضافہ کیا ہے۔

CNG کی قیمتوں میں اضافے سے ہٹ کر حکومت نے OGRA کی جانب سے پیٹرولیئم مصنوعات کی قیمتوں میں اضافے کی سفارشات مسترد کردیں۔ اتھارٹی نے قیمتوں میں 4.41 روپے تک کے اضافے کی تجویز دی تھی۔

وزیر خزانہ نے کہا کہ ہم عوام کو ریلیف دینا چاہتے ہیں۔

گیس کی قیمتوں میں اس اضافے کے حوالے سے اپنی رائے نیچے تبصروں میں پیش کیجیے۔


Top