گوجرانوالہ: بائیک لفٹر گینگ گرفتار، 2 درجن سے زیادہ موٹر سائیکلیں برآمد


گوجرانوالہ پولیس نے شہر سے چار موٹر سائیکل چوروں کو گرفتار کرکے ان سے 25 موٹر سائیکلیں برآمد کرلی ہیں۔

تفصیلات کے مطابق یہ خاص گینگ شہر کے عوام کے لیے ایک عذاب بن چکا تھا اور پولیس نے منصوبہ بندی کے ذریعے مارے گئے چھاپے میں اس کے چار اراکین کو گرفتار کرلیا ہے۔ ان کے نام عمران، ذوالفقار، رضوان اور ریاض ہیں۔ پولیس کے اعلیٰ عہدیداروں نے عوام کی حفاظت کو یقینی بنانے کے لیے اپنے ماتحت اراکین کی کارکردگی کو سراہا۔

مزید یہ کہ پولیس نے قصور سے بھی تین موٹر سائیکل چوروں کو گرفتار کیا ہے اور ان سے چھ موٹر سائیکلیں برآمد کی ہیں۔ ضلعی پولیس افسر (DPO)قصور منتظر مہدی نے پولیس عہدیداروں کو ہدایت کی ہے کہ وہ عوام کو مصیبت میں مبتلا کرنے والے ان بدنام مجرموں کا تعاقب کریں۔

مزید برآں، اینٹی-کار لفٹنگ سیل اسلام آباد رواں سال 115.6 ملین روپے مالیت کی 132 گاڑیاں برآمد کر چکا ہے، ساتھ ہی اتھارٹی 7.7 ملین روپے مالیت کی 136 موٹر سائیکلیں بھی برآمد کرچکا ہے۔ اس پورے عمل کے دوران پولیس نے 200 سے زیادہ گاڑیاں چوری کرنے والوں کو بھی گرفتار کیا۔ مزید یہ کہ اینٹی-کار لفٹنگ سیل کراچی (ACLC) بھی کار چوروں کے خلاف سخت کارروائی کر رہا ہے اور اب تک ایک بین الصوبائی گینگ کے دو اراکین کو گرفتار کر چکا ہے اور ان سے گاڑیاں برآمد کی ہیں۔

تازہ ترین خبروں کے لیے PakWheels.com پر آتے رہیے۔


Top