یہاں پڑھیں کیسے آپ ایکسیڈینٹل گاڑی کو پہچان سکتے ہیں؟

16508969_1348082828587522_6642664465801455066_n

بعض اوقات استعمال شدہ کار خریدنا ایک مشکل فیصلہ ہوسکتا ہے۔ ایک بندہ ڈیلروں سے باآسانی بے وقوف بن سکتا ہے جس کا نتیجہ یہ نکلے گا کہ وہ ایک ایکسیڈینٹل گاڑی خرید بیٹھے گا جو اندر سے باہر تک مرمت کی گئی ہو گی۔ میرے پچھلے آرٹیکل ’یہاں پڑھیں کہ درآمد کردہ جے ڈی ایم گاڑی خریدتے وقت کیوں احتیاط کرنی چاہیے‘ کے تناظر میں بہت سے لوگوں نے سوال کیا کہ کیا ایکسیڈینٹل گاڑی کو پہچاننا ممکن ہے؟ ایکسیڈینٹل گاڑی کو پہچاننا کافی مشکل ہو سکتا ہے مگر گاڑی خریدنے سے پہلے آپ کو کئی مرحلے سے گاڑی گزارنی چاہیے تاکہ آپ یقینی بنا سکیں کہ جو گاڑی آپ خریدنے والے ہیں وہ نہ تو ایکسیڈینٹل ہے اور نہ ہی دوبارہ سے پینٹ کی گئی ہے۔ یہاں اس حوالے سے کچھ تجاویز درج ہیں جو اس معاملے میں آپ کی مدد کریں گی۔

کلر ٹیسٹ کریں:

گاڑی کے اصل پینٹ کی نشاندہی کے لیے ایک کلر ٹیسٹ کا کرنا بہت مددگار ثابت ہو سکتا ہے۔ آفٹر مارکیٹ پینٹ کا کام گاڑی کے گرد گھوم کر اور اس کا بغور معائنہ کر کے شناخت کیا جاسکتا ہے۔ مثال کے طور پراگر گاڑی کے کسی ایک حصے کے کلر کا شیڈ باقی گاڑی کے کلر سے مختلف نظر آئے تو یہ آپ کے لیے پہلی نشانی ہے۔ آفٹر مارکیٹ پینٹ کا کلر اکثر مدھم ہو جاتا ہے اور فیکٹری کے کلر سے مماثلت نہیں رکھتا۔ یہ تجویز دی جاتی ہے کہ آپ کلر کے فرق کو دیکھنے کے لیے گاڑی کے دروازے، ہڈ اور پینل کا بغور معائنہ کریں۔ آپ کو یہ بھی تجویز دی جاتی ہے کہ آپ سورج کی روشنی میں گاڑی کا معائنہ کریں کیوں کہ آفٹر مارکیٹ پینٹ کا کلر سورج کی روشنی میں دھندلا جاتا ہے۔

انگلی سے مشاہدہ کریں:

انگلی سے گاڑی کا مشاہدہ کرنے سے آپ کو اس کی ڈینٹنگ اور پینٹنگ کے بارے میں بہت قیمتی معلومات ملتی ہیں۔ انگلی سے مشاہدہ کرنے کے لیے اپنی انگلی گاڑی پر رکھیں اور اس کے پینل، دروازوں، ہڈ کے ساتھ ساتھ پوری باڈی پر انگلی پھیریں۔ اگر آفٹر مارکیٹ ڈینٹنگ اور پینٹنگ کی گئی ہے تو آپ کو چھونے پر کلر کی مختلف تہیں محسوس ہوں گی۔ سورج کی روشنی میں پینٹ کا مشاہدہ کرنے کے لیے کسی ایک حصہ پر اپنی انگلی رکھیں اور اگر آپ کو اس حصہ پر اپنی انگلی کا واضع عکس نظر نہ آئے تو سمجھ جائیں کہ وہ حصہ دوبارہ سے پینٹ کیا گیا ہے۔

سیل کا معائنہ کریں:

اگر آپ کی گاڑی کا ممکنہ طور پر کوئی میجر ایکسیڈینٹ ہوا ہے تو اس بات کی قوی امید ہے کہ اس کی سیل ٹوٹی ہو گی یا دوبارہ سے لگائی گئی ہو گی۔ ان تمام سیلوں کا معائنہ یقینی بنائیں خاص طور پر دروازے، ہڈ اور پینل کی سیلوں کو چیک کریں۔ اس طرح کی صورتحال میں ایک دوسری نشانی ان سیلوں کا سیدھ میں نہ ہونا ہے۔

نیلامی کی رپورٹ کی تصدیق کریں:

اگر آپ ایک درآمد کردہ جے ڈی ایم گاڑی خریدنے میں دلچسپی رکھتے ہیں تو نیلامی کی شیٹ کی تصدیق یقینی بنائیں۔ آپ اس کے لیے میرا آرٹیکل ’درآمد شدہ جاپانی گاڑیوں کی آن لائن نیلامی شیٹ سے تصدیق کیسے کریں؟‘ پڑھ سکتے ہیں۔ اگر پھر بھی آپ نیلامی کی شیٹ سے تصدیق نہ کر پائیں تو آپ کو چاہیے کہ کسی جے ڈی ایم امپورٹر سے رابطہ کریں اور وہ آپ کی نیلامی کی شیٹ کی براہ راست نیلامی گھروں کے سرورز سے تصدیق کروا دے گا۔

ہم آپ کے لیے یہ کام کر دیتے ہیں:

اگر آپ جس گاڑٰی کو خریدنے کا ارادہ رکھتے ہیں اس کی اصلیت کے بارے میں زیادہ فکر مند ہیں تو ہمیں اپنی کار شور کی ماہر ٹیموں کے ساتھ آپ کی مدد کرنے دیجیے۔ ہمارے کار شور کے ماہرین درج زیل پوائنٹس کی بنیاد پر مکمل رپورٹ تیار کریں گے۔

انجن\ ٹرانسمیشن چیک

سسپینشن\ سٹیئرنگ چیک

بریک چیک

الیکٹرونک\ کمپیوٹر چیک

بیرونی چیک

ایکسیڈینٹل چیک

ٹیسٹ ڈرائیو

Shaf Younus

I'm an Auto Enthusiast, a Student of Computer Science and above all, Citizen of Pakistan.

Top