کیا آپ جانتے ہیں: گاڑی کے بمپر میں سوراخ کس لیے ہیں؟

Bumper Hole

اگر آپ کے پاس نئی گاڑی ہے تو اس کے اگلے بمپرز میں ایک یا دو سوراخ ضرور ہوں گے۔ انہیں دیکھ کر پریشان ہونے یا اسے کوئی نقص سمجھنے کی بالکل ضرورت نہیں۔ اگر آپ یہ نہیں جانتے کہ پلاسٹک کے ڈھکنے میں چھپے سوراخ کیوں بنائے گئے ہیں؟ تو آئیے ہم آپ کو بتاتے ہیں۔

loading eyebolt for car bumperیہ سوراخ ایسے وقت میں کام آتے ہیں جب کہ آپ کی گاڑی خود چلنے سے انکار کردے۔ اپنی گاڑی کے اگلے بمپر میں موجود ان سوراخوں کے ڈھکن ہٹائیں تو وہاں ایک بڑا سا پیچ (screw)لگانے کی جگہ نظر آئے گی۔ لیکن وہاں آپ نے کوئی پیچ وغیرہ استعمال نہیں کرنا بلکہ گاڑی کے ساتھ ملنے والے ٹول باکس میں موجود لنگر (anchor) نما آلہ لگانا ہے جسے loading eye bolt کہا جاتا ہے۔یہ چیز پیج (اسکرو) کی طرح ہی لگائی جاتی ہیں۔ یعنی آپ انہیں سوراخ کے منہ پر رکھ کر گول دائرے میں گھما کر گاڑی کے ساتھ جوڑ سکتے ہیں اور پھر مخالف رخ پر گھما کر علیحدہ بھی کرسکتے ہیں۔

گاڑیوں کے پرزوں کی خرید و فروخت کے لیے یہاں کلک کریں

loading eyebolt bumperالبتہ گاڑیوں کے بہت سے “استاد” اس کے استعمال میں احتیاط کا مشورہ دیتے ہیں۔ ان کے کہنا ہے کہ اس سہولت کو صرف انہی مخصوص ٹرک (tow truck) کے ساتھ ہی استعمال کرنا چاہیے جنہیں گاڑی کھینچنے کے لیے بنایا جاتا ہے۔ کسی عام مسافر گاڑی کی مدد سے دوسری گاڑی کو کھینچنا دنوں ہی کے لیے خطرناک ثابت ہوسکتا ہے۔ایک اور اہم بات یہاں بتاتا چلوں کہ loading eye bolt گاڑی کو بالکل سیدھا کھینچنے کے لیے بنائے جاتے ہیں۔ انہیں دائیں بائیں یا اوپر نیچے کھینچنے سے نقصان پہنچ سکتا ہے۔ اس لیے ہمیشہ گاڑی کھینچنے والے ٹرک ہی کی مدد حاصل کریں تاکہ آپ کی گاڑی صحیح سلامت منزل پر پہنچ جائے۔

لیکن یہاں سوال پیدا ہوتا ہے کہ بھلا اتنی سی چیز ہے کے لیے گاڑی کا بمپر خراب کرنے کی کیا ضرورت ہے؟ تو اس کا جواب یہ ہے کہ بہت سی جدید گاڑیوں میں بہتر اور آرامدے سفر کے لیے کافی نیچی رکھی جاتی ہیں، ان کا اندرونی ڈھانچے کو مکمل ڈھانپنے اور خوبصورتی میں اضافے کے لیے بھی بیرونی حصے پر پہلے سے زیادہ محنت کی جاتی ہے۔ ایسے میں اگر یہ سوراخ نہ دیئے جائیں تو کسی بھی مشکل صورتحال میں گاڑی کو کھینچ کر مکینک تک لے جانا ممکن نہیں رہے گا۔ جن گاڑیوں کے اگلے حصے میں یہ سوراخ موجود نہیں ہوتے اکثر لوگ انہیں کھینچنے کی کوشش میں گاڑی کے مختلف حصے خراب کر بیٹھتے ہیں۔

loading eyebolt tow car bumper

Fahad Ullah

I build products and review cars for PakWheels. I am also famous for typing more words than anyone wants to read.

Top