قیمتوں میں بارہا اضافے کے بعد ہونڈا اٹلس منافع میں

honda-atlas-pakistan-profits

مالی سال 2018ء میں قیمتوں میں بارہا اضافے کے باوجود ہونڈا اٹلس کارز (پاکستان) نے فروخت اور ساتھ ساتھ ادارے کی سالانہ آمدنی میں بھی اضافہ کیا ہے۔

ہونڈا اٹلس پاکستان نے مارچ 2018ء کے اختتام پر 6.49 ارب پاکستانی روپے کی آمدنی ظاہر کی۔ ہونڈا پاکستان کا منافع گزشتہ سال کے اسی عرصے کے مقابلے میں 6 فیصد بڑھا ہے۔ ہونڈا نے مارچ 2017ء کو مکمل ہونے والے مالی سال 2017ء میں 6.14 ارب پاکستانی روپے کی فروخت کی تھی۔

مالی سال 2018ء کی چوتھی سہ ماہی کی تکمیل پر خالص فروخت سال بہ سال میں 22 فیصد اضافے کے ساتھ 25.8 ارب روپے تک پہنچی۔ اس نے سال بہ سال میں خالص فروخت کو 46 فیصد بڑھا کر 91.5 ارب روپے تک پہنچانے میں مدد دی۔ ہونڈا تقریباً 50 ہزار یونٹس کی بلند ترین فروخت کو حاصل کرنے میں کامیاب رہا۔ ہونڈا سٹی اور ہونڈا BR-V دونوں نے ہونڈا پاکستان کو مالی سال 2018ء کی چوتھی سہ ماہی کے اختتام پر سال بہ سال میں مجموعی طور پر بہتر فروخت اہداف حاصل کرنے میں مدد دی۔

فروخت اور تقسیم کی لاگت گزشتہ مالی سال (2017ء) کے 0.21 ارب روپے کے مقابلے میں مالی سال 2018ء میں دوگنی ہوکر 0.42 ارب روپے پر پہنچی۔

البتہ مالی سال 2018ء کی چوتھی سہ ماہی میں آمدنی میں سال بہ سال میں 35 فیصد تک کمی آئی جو گزشتہ سال کے اسی عرصے کے 2.12 ارب پاکستانی روپے کے مقابلے میں 1.37 ارب روپے رہی۔ ہونڈا نے مالی سال 2018ء کی چوتھی سہ ماہی میں 12,453 سوک اور سٹی فروخت کیں۔

آمدنی تفصیلات کے ساتھ ساتھ ہونڈا پاکستان نے سال بھر کے لیے 22.8 روپے فی حصص کے کیش ڈیویڈینڈ کا بھی اعلان کیا۔


Writing about cars and stuff.

Top