پاک ویلز کی نشاندہی پر ہونڈا ایٹلس نے معلومات درست کرلیں

honda-correct-their-website

گزشتہ روز میں نے اپنے بلاگ میں ہونڈا ایٹلس کی ویب سائٹ پر موجود غلطیوں سے متعلق بتایا تھا کہ جن سے نئی سِوک کے ممکنہ خریداروں میں غلط فہمیاں پھیل رہی تھیں۔ اپنی عادت کے مطابق آج میں پھر ہونڈا ایٹلس کی ویب سائٹ پر گیا اور یہ دیکھ کر حیرت کے ساتھ خوشی بھی ہوئی کہ ہونڈا نے ان تمام غلطیوں کی اصلاح کرلی ہے کہ جنہیں میں نے پچھلے بلاگ میں نشاندہی کی تھی۔ یاد رہے کہ ہونڈا HR-V کا صفحہ تمام تر غلطیوں کے ساتھ مہینوں تک آن لائن رہا جبکہ ہونڈا سِوک کی معلومات بھی باضابطہ رونمائی کے پانچ روز بعد تک غلط لکھی ہوئی تھیں۔

یہ بھی پڑھیں: ڈیلرشپس پر ہونڈا سِوک 2016 بُک کروانے والوں کو گمراہ کیا گیا

سِوک کے پیڈل شفٹرز اور وارنٹی سے متعلق غلط معلومات
ہونڈا ایٹلس کی ویب سائٹ پر کل تک درج ذیل معلومات درج تھیں:

Wrong information displayed on PKDM Civic's homepage

نشاندہی کے بعد ہونڈا ایٹلس نے غلطی کی اصلاح کرلی ہے جس کا عکس آپ ذیل میں دیکھ سکتے ہیں:

Information edited by Honda Atlas on PKDM Civic's homepage

ہونڈا HR-V کے پرائس کیلکولیٹر میں غلط معلومات
ہونڈا ایٹلس کی ویب سائٹ پر موجود ہونڈا HR-V کے صفحے پر درج ذیل معلومات غلط تھیں:

Wrong information displayed on Honda Atlas HR-V's price calculator

میرے بلاگ کے بعد ہونڈا ایٹلس نے اسے درست کرلیا ہے:

Correct information displayed on Honda Atlas HR-V's price calculator after our post from yesterday!

یہ بھی پڑھیں: نقل و حمل کے دوران لاپرواہی؛ نئی ہونڈا سِوک میں بھی نقائص ہوسکتے ہیں

ہونڈا ایٹلس کے پرائس کیلکولیٹر میں مزید مسائل
یہ دیکھ کر بہت اچھا لگا کہ صرف 12 گھنٹے ہی میں ہونڈا ایٹلس نے تمام معلومات کو اپڈیٹ کرتے ہوئے غلطیوں کی اصلاح کرلی ہے تاہم محسوس ہوتا ہے کہ ہونڈا ایٹلس کو اپنی ویب سائٹ بہتر بنانے کے لیے مزید کام کرنے کی ضرورت ہے۔ مثال کے طور پر قیمت کا حساب لگانے کے لیے بنائے گئے Price Calculator میں اب بھی کئی غلطیاں موجود ہیں۔ اور یہ کوئی نیا مسئلہ نہیں بلکہ ہونڈا HR-V ہی کی طرح یہاں بھی ٹرانسمیشن ٹھیک نہیں لکھی گئی۔

پاکستان میں تیار شدہ ہونڈا سِوک 1.8 اوریئل اور 1.5 ٹربو میں قیمت کا حساب لگانے جائیں تو وہاں موجود Price Calculator میں ٹرانسمیشن کے سامنے بیک وقت مینوئل اور CV-T لکھا ہوا نظر آئے گا۔ جبکہ حقیقت میں سِوک کے کسی بھی ماڈل کے ساتھ مینوئل گیئر نہیں دیا جارہا لیکن یہاں دونوں ہی طرز کے گیئر دکھائے جانے کی وجہ سے ممکنہ خریداروں میں ایک اور غلط فہمی جنم لے گی۔

photo_2016-07-28_10-30-16 photo_2016-07-28_10-31-17 photo_2016-07-28_10-31-21

ہونڈا ایٹلس (Honda) کی جانب سے ویب سائٹ پر موجود غلطیوں کی نشاندہی پر اصلاح کا عمل ظاہر کرتا ہے کہ درست معاملے پر آواز بلند کی جائے تو وہ ضرور سنی جاتی ہے۔ اکثر دیکھا گیا ہے کہ اس طرح کی باتوں کو محض الزامات تصور کیا جاتا ہے اور یوں غلطیوں کو درست کرنے کے بجائے اِدھر اُدھر کی باتیں شروع ہوجاتی ہیں جبکہ اصل معاملہ جوں کا توں رہ جاتا ہے۔ ہم امید کرتے ہیں کہ ہونڈا ایٹلس مکمل ذمہ داری کا مظاہرہ کرتے ہوئے ایک بار پھر اس مضمون میں بتائی گئی غلطیوں کو درست کرے گا۔ خاص طور پر نئی سِوک سے متعلق معلومات فرام کرتے ہوئے انہیں حد درجے خیال رکھنا ہوگا تاکہ ممکنہ خریدار کسی غلط فہمی کا شکار ہو کر ہونڈا سے بدظن نہ ہوجائیں۔

Adan Ali

Adan is a Tribe Leader at Drive Tribe, who writes to share his passion for cars, culture and gadgetry through words. So far his writings and contributions have been able to make their way to media outlets like PakWheels and Dawn. Reach out to him by tweeting @adanali12

Top