ہونڈا ایٹلس کی جانب سے سِوک 2016 کی باضابطہ رونمائی کا عندیہ

1 176

اگر آپ پاک ویلز بلاگ کے مستقل قاری ہیں یا پھر پاک ویلز کا فیس بک صفحہ باقاعدگی سے دیکھتے ہیں تو پھر آپ جانتے ہی ہوں گے کہ ہونڈا ایٹلس نے سوک 2016 کے دونوں ہی ماڈل ملک بھر کے شورومز اور ڈیلرشپس کو بھیج دیئے ہیں۔ گزشتہ روز ہم نے ہونڈا سوک 2016 کے بہترین ٹربو ماڈل کی خفیہ تصاویر آپ تک پہنچائی تھیں۔ یہ تصاویر ہمیں پاک ویلز فورم کے ایک رکن سے موصول ہوئیں نئی ہونڈا سوک کے ظاہری اور اندرونی تمام ہی حصوں کو بخوبی دکھا جاسکتا ہے۔

مزید پڑھیں: پاکستان میں تیار شدہ ہونڈا سِوک 2016 کی خفیہ تصاویر

civic-launch-teaser

ہونڈا سوک کی پیشگی بُکنگ شروع کرنے کے عین 39 دن بعد ہونڈا ایٹلس نے سوک کو عوامی سطح پر باضابطہ رونمائی کا عندیہ دیا ہے۔ ادارے کی ویب سائٹ پر دئیے گئے اشارے سے اندازہ لگایا جاسکتا ہے کہ ہونڈا ایٹلس نئی سوک کو دھوم دھام سے پیش کرنے کا ارادہ رکھتی ہے۔ گو کہ ایٹلس ہونڈا نے اب تک اس سے متعلق کسی حتمی تاریخ کا اعلان نہیں کیا تاہم مختلف ڈیلرشپس سے حاصل ہونے والی اطلاعات کے مطابق یہ تقریب 22 جولائی بروز جمعہ منعقد کی جائے گی۔ دارالحکومت اسلام آباد میں موجود ہونڈا ایوینیو نے بھی اس بات کی تصدیق کرتے ہوئے صفہ گولڈ مال، جناح سپر مارکیٹ میں نئی سِوک (Honda Civic 2016) کی نمائش کا اعلان کیا ہے۔

یہ بھی پڑھیں: پاکستان میں ہونڈا سِوک 2016 بُک کروانے کا طریقہ

Honda Avenue Islamabad Confirms 22nd July Launch

Google App Store App Store

جواب چھوڑیں

آپ کا ای میل ایڈریس شائع نہیں کیا جائے گا.