ہونڈا سٹی اب نئے خوبصورت رنگوں میں بھی دستیاب!


رواں سال جولائی میں پیش کی جانے والی ہونڈا سِوک نے گاڑیوں کے شوقین افراد کو کئی نئے رنگوں سے بھی متعارف کروایا۔ پچھلی جنریشن کے مقابلے میں دسویں جنریشن سوک (Civic) کو بالکل مختلف اور دلکش رنگوں کے ساتھ پیش کیا گیا۔ ان میں جاذب نظر ریلے ریڈ (سرخ) اور لونار سِلور (نقرئی) کی شمولیت سب سے زیادہ قابل ذکر ہے جنہیں نویں جنریشن میں پیش کیے جانے والے شوخ قرمزی (Red) اور سنگ مر مر (Silver) رنگ کی جگہ شامل کیا گیا ہے۔ اس کے علاوہ ہونڈا سِوک 2016 کی فہرست میں شوخ نیلے رنگ (Blue) کی شمولیت سے دستیاب رنگوں کی مجموعی تعداد 7 تک پہنچ چکی ہے۔

bold beige shade of Honda City in Pakistan

ہونڈا سوک میں پیش کیے جانے والے نئے رنگوں کی پزیرائی کو دیکھتے ہوئے ہونڈا سِٹی کو بھی ان خوبصورت رنگوں کے ساتھ پیش کرنے کا فیصلہ کیا ہے۔ اگر آپ بھی ان لوگوں میں سے ہیں کہ جنہیں چمکیلے و ہلکے خاکی (Beige) رنگ میں ہونڈا سِٹی کا دلکش انداز بہت بھاتا ہے تو آپ کے لیے افسوسناک خبر یہ ہے کہ اب ہونڈا پاکستان نے سِٹی میں اب یہ رنگ دستیاب نہیں ہے۔ سادے لفظوں میں اس کا مطلب یہ ہے کہ جہاں سِوک میں ایک نئے رنگ کا اضافہ ہوا وہیں سٹی میں ایک رنگ کم کردیا گیا ہے۔

یہ بھی پڑھیں: ہونڈا سِوک 2016 کے تینوں ماڈلز کا تفصیلی جائزہ

Honda City now discontinued Habanero Red Color

ہونڈا ایٹلس نے منفرد قرمزی (سرخ) رنگ میں پیش کی جانے والی سِوک ٹربو (Civic Turbo) کو بہترین ماڈل کے طور پر پیش کیا تو تمام ہی شائقین نے اسے بے حد سراہا۔ اس سے قبل کہ ہم کوئی اور فرمائش کرتے ہونڈا ایٹلس نے اس خوبصورت اور دلکش رنگ کو سٹی میں بھی پیش کرنے کا فیصلہ کیا ہے۔ یوں اب ہونڈا سٹی پرانے قرمزی اور سنگ مر مر جیسے پرانے رنگوں کی جگہ سِوک ہی کے منفرد ریلے ریڈ (سرخ) اور لونار سِلور (نقرئی) رنگوں میں پیش کی جائے گی۔ یاد رہے کہ یہ ان دلفریب رنگوں کو پاکستان میں پیش کی جانے والی دسویں جنریشن ہونڈا سِوک کے ساتھ ہی متعارف کروایا گیا تھا۔

یہ بھی پڑھیں: گاڑیوں کے مشہور رنگ؛ ماضی کی خوبصورتی آج ماند پڑ چکی ہے!

Rallye Red Honda Civic

ہونڈا سٹی (City) کی نئے رنگوں میں دستیابی سے اب ہونڈا ایٹلس کی دونوں سیڈان گاڑیوں میں کسی حد تک مماثلت پیدا ہوگئی ہے۔ کیا آپ سمجھتے ہیں کہ پرانی جنریشن ہونڈا سٹی کو نئے رنگوں میں پیش کر نے کا فیصلہ ٹھیک ہے؟ ہمیں اپنی رائے سے بذریعہ تبصرہ آگاہ کریں۔


Google App Store App Store
Adan Ali

Adan is a Rising Journalism Sophomore at Northwestern University, with an inclination towards non-political investigative journalism and advertising. He is currently serving as a Research Assistant for the Arab World’s first media museum, The Media Majlis and an Admissions Diplomat at NU-Q. Adan comes with an experience of almost three years in the field of media creation, alongside Dawn, Parhlo, PakWheels, and The Daily Q occupying the roles of an Intern, Guest Writer, and Staff Reporter. Formerly, Adan has served as a Founder and CEO of The Nixor Times, a media and advertising company, besides which, he has offered his services as a Member of Board at Nixor Corporate. He tweets @adanali12 and runs a channel on YouTube.

Top