ہونڈا سِوک 2016 کی ایشیا آمد؛ فلپائن میں بُکنگ کا آغاز ہوگیا

2016 Civic LX (KA)

پاکستان میں نئی ہونڈا سِوک (Honda Civic 2016) کا شدت سے انتظار کیا جارہا ہے۔ نئی سِوک کو گزشتہ سال امریکا کے شمالی علاقوں ریاستہائے متحدہ امریکا اور کینیڈا میں پیش کیا جاچکا ہے۔ ہمارے ساتھی بلاگر فضل وہاب کو یہ موقع ملا کہ وہ نئی سِوک کو بذات خود چلائیں اور پھر پاک ویلز کے قارئین کو اپنے تجربے سے متعلق بتائیں (مضمون پڑھنے کے لیے یہاں کلک کریں)۔ اب تازہ ترین اطلاعات یہ ہیں کہ ہونڈا سِوک 2016 ہمارے براعظم یعنی ایشیا میں آیا چاہتی ہے۔

نئی ہونڈا سِوک 2016 کو ایشیا میں پیش کرنے والا پہلا ملک فلپائن ہوگا جہاں ہونڈا کارز فلپائن اور دیگر ڈیلرشپس نے دسویں جنریشن سِوک کے لیے آرڈر لینا شروع کردیئے ہیں۔

جنوب مشرقی ایشیائی اقوام کی تنظیم (ASEAN) کے رکن ملک فلپائن میں نئی سِوک کو 1500 سی سی ٹربو چارجڈ اور 1800 سی سی نیچرلی ایسپریٹڈ انجن کے ساتھ پیش کیا جائے گا۔ اس میں شامل 1800 سی سی انجن سِوک کی نویں جنریشن (9th generation Civic) ہی سے لیا گیا ہے۔ اس خبر کے بعد ہمارا یقین مزید پختہ ہوگیا ہے کہ پاکستان میں سِوک بھی اسی پرانے انجن کے ساتھ پیش کی جائے گی۔ نئی سِوک میں شامل 1500 سی سی ٹربوچارجڈ انجن 174 بریک ہارس پاور جبکہ 2000 سی سی نیچرلی ایسپریٹڈ انجن کم و بیش 150 بریک ہارس پاور فراہم کرسکتا ہے۔

2016-Honda-Civic-Turbo-Engine

فلپائن میں RS ٹربو اور 1.8 ای سِوک فروخت کے لیے پیش کی جائیں گی۔ آسیان میں متعارف ہونے والی 1500 سی سی ٹربو چارجڈ انجن کی حامل نئی سِوک 174 بریک ہارس پاور اور 220نیوٹن میٹرک ٹارک فراہم کرے گی۔ اب تک 1800 سی سی نیچرلی ایسپریٹڈ انجن سے متعلق معلومات فراہم نہیں کی گئیں تاہم اگر یہ نویں جنریشن سِوک والا R18 موٹر کا حامل انجن ہوا تو آپ تقریباً 141 بریک ہارس پاور کی توقع کرسکتے ہیں۔ ٹرانسمیشن کی اگربات کریں تو اسے CVT یا پھر 6-اسپیڈ مینوئل گیئر باکس کے ساتھ پیش کیا جائے گا۔

یہ بھی پڑھیں: ہونڈا سِوک R18 انجن کے ساتھ پاکستان میں آسکتی ہے

ہونڈا کارز فلپائن اپنے صارفین کو ٹربوچارجڈ سِوک میں RS (روڈ سیلنگ) باڈی کِٹ بھی فراہم کرے گی جس سے نئی سِوک کو مزید جاذب نظر بنانے میں مدد ملے گی۔ نئی ہونڈا سِوک 2016 ان رنگوں میں پیش کی جائے گی:
گہرا نیلا رنگ (Cosmic Blue Metallic)
گہرا قرمزی رنگ(Midnight Burgundy Pearl)
چکمدار چاندی / نقرئی رنگ (Lunar Silver Metallic)
موتی جیسا سفید رنگ (White Orchid Pearl)
اسٹیل جیسا بھورا رنگ (Modern Steel Metallic)
شوخ سرخ رنگ (Rallye Red)

یہ ایشیائی ممالک میں پیش کی جانے والی دسویں جنریشن کی پہلی سِوک ہوگی۔ مجھے یقین ہے کہ اب تمام پاکستانیوں کی نظریں ہونڈا ایٹلس (Honda Atlas) پر مرکوز ہوں گی۔ گاڑیوں کے شوقین بالخصوص ہونڈانے مداح اس نئی سِوک کی پاکستان آمد کا بہت بے تابی سے انتظار کر رہے ہیں۔ ہم بھی نئی سِوک کے جلوے دیکھنے کا بے صبری سے انتظار کر رہے ہیں۔ یہ بھی دیکھنا ہوگا کہ پاکستان میں صارفین کے لیے پیش کی جانے والی نئی ہونڈا سِوک میں کونسا انجن استعمال کیا جاتا ہے؟ آیا مقامی کار ساز ادارہ نیچرلی ایسپریٹڈ انجن یا ٹربو چارجڈ انجن پیش کرتا ہے یا پھر دونوں میں سے کوئی ایک ہی منتخب کیا جائے گا۔ اور اگر 1800 سی سی سِوک پیش کی جاتی ہے تو کیا اس میں موجودہ سِوک ہی کا انجن استعمال ہوگا یا پھر پاکستانیوں کی قسمت میں نیا انجن آئے گا۔

  • Muhammad Khurshid Anwar

    Don’t expect much guys, this is Pakistan. my best guess is R18. no turbo will come here. also i don’t think most of the features will be available in the car as they are in USA. like TPMS, 450Watts sound system, LED headlights etc.

  • Khuram Shahzad

    Yes, it was already anticipated that in Pak civic will be launched with 1.8 R18A with CVT already coming in US & UAE civic since 2013

  • Khuram Shahzad

    For enthusiasts and people having a sensible buy, the 1.5 is eagerly awaited.

Top