ہونڈا سِوک 2016: حفاظتی اعتبار سے بہترین گاڑیوں میں شامل


امریکی ادارے انشورنس انسٹی ٹیوٹ فار ہائی وے سیفٹی (IIHS) نے ہونڈا سِوک 2016 میں حفاظتی معیارات کی جانچ سے متعلق ویڈیو جاری ہے۔ اس ویڈیو میں نئی سِوک نے تمام آزمائشوں میں کامیابی حاصل کر کے ‘Good’ ریٹنگ کی حامل گاڑیوں میں اپنی جگہ برقرار رکھنے میں کامیابی حاصل کی ہے۔ یاد رہے کہ IIHS صرف امریکا میں فروخت کی جانے والی ہونڈا سِوک کی جانچ اور اسے درجہ فراہم کرنے کا مجاز ادارہ ہے۔ اس ہونڈا سِوک میں نہ صرف تمام نشستوں کے آگے بلکہ دائیں اور بائیں جانب بھی ایئربیگز موجود ہوتے ہیں جبکہ پاکستان میں صرف ڈرائیور اور اس کے ساتھ والی نشست کے ساتھ ہی ایئر بیگز دیئے جاتے ہیں۔

Capture

سال 1959 میں قائم ہونے والا IIHS دراصل ایک غیر منافع بخش ادارے کے طور پر کام کرتا ہے جس کے تمام اخراجات گاڑیوں کا بیمہ کرنے والے ادارے برداشت کرتے ہیں۔ یہ ادارہ امریکا میں دستیاب گاڑیوں کی مختلف طریقوں سے جانچ کرتا ہے جس میں 40 میل فی گھنٹہ (64 کلومیٹر فی گھنٹہ) کی رفتار سے گاڑیوں کو شے سے ٹکرانا بھی شامل ہے۔ اس کا مقصد کسی بھی ناگہانی صورتحال میں مسافروں کو ہونے والے نقصان کا پیشگی اندازہ لگایا جانا ہے۔

یہ بھی پڑھیں: لاکھوں ٹویوٹا کرولا اور ہونڈا سِوک کے حفاظتی ایئربیگز میں مسئلہ کا انکشاف


Adan Ali

Adan is a Guest Writer at Dawn.com and a Member of Board at Nixor Corporate. Previously, he has served as CEO of The Nixor Times along with contributing to PakWheels.com. He is a student at Nixor College, set to pursue an undergraduate degree in Journalism at Northwestern University. He tweets @adanali12

Top