نئی ہونڈا سِوک کی پاکستان آمد ستمبر 2016ء میں متوقع

hond-civic-18-1

کیا آپ جانتے ہیں کہ لوگ نئی ہونڈا سِوک 2016ء دیکھ کر اتنا جذباتی کیوں ہورہے ہیں۔ اس کی ایک وجہ تو دسویں جنریشن کی سِوک کی خوبصورتی ہے ہی لیکن دوسری وجہ ہونڈا سِوک کے گزشتہ جنریشنز کی بدصورتی بھی ہے۔ 1999ء اور 2000ء میں ہونڈا سِوک متوسط طبقے کے لیے بی ایم ڈبلیو کی حیثیت رکھتی تھی لیکن چھٹی جنریشن کے بعد 7، 8 اور 9 جنریشن کی سِوک نے مجھ سمیت ہونڈا کے بہت سے مداحوں کو مایوس کیا۔ اس کے علاوہ پاکستان میں گاڑیاں بنانے والے دیگر اداروں کو بھی فائدہ ہوا جس کی ایک مثال ٹویوٹا کرولا آلٹس کی بڑھتی ہوئی مشہور سے لگائی جاسکتی ہے۔

بہرحال، یہ تو کچھ پرانی باتیں تھیں اور اب نئی سِوک جو میرے خیال سے بہت زبردست ہے، کو دیکھ کر پرانے گلے شکوے تو دور ہوجانے چاہیئں۔ دسویں جنریشن کی ہونڈا سِوک 2016ء کے بعد ہونڈا کے شائقین جتنا خوش ہیں شاید پہلے کبھی نہ ہوئے ہوں گے اور یہی وجہ ہے کہ 10ویں جنریشن کو ہونڈا کی تاریخ میں ایک نئے روشن باب کا اضافہ گردانا جا رہا ہے۔

اسے کیا نام دیں؟

ہمارے یہاں ناموں کے حوالے سے بہت دلچسپ صورتحال پائی جاتی ہے تو پہلے اسی حوالے سے بات کرلیتے ہیں۔ ماضی کی طرح کوئی عجیب سا نام مثلاً ہونڈا سِوک کا نیا جنم، ہونڈاسِوک چپٹی یا ہونڈا سِوک بغیر ڈگی والی کہنے سے بہتر ہے کہ اسے ہونڈا سِوک ایکس (X) کہا جائے۔ یہاں ایکس سے مراد دسویں جنریشن ہے۔

سب سے اہم سوال: ہونڈا سِوک 2016ء پاکستان میں کب آئے گی؟

اس حوالے سے ہونڈا ایٹلس نے تو کوئی اعلان نہیں لیکن ماضی کے تجربوں اور کچھ اعداد و شمار کے حساب سے ہم مستقبل کے بارے میں پیشن گوئی کرسکتے ہیں۔ اس کی تصدیق ہمارے ذرائع بھی کر رہے ہیں لیکن فی الحال ہم صرف اپنے حساب کتاب سے ہی اندازہ لگاتے ہیں۔

Honda Civic 2006 in Pakistan

پچھلی دو جنریشنز ہونڈا سِوک ری بورن (آٹھویں جنریشن) اور ہونڈا سِوک چپٹی (نویں جنریشن) عالمی سطح پر متعارف ہونے کے ایک سال بعد پاکستان میں پیش کی گئی تھیں۔ آٹھویں جنریشن سِوک کو جنوری 2005ء میں عوام کے سامنے پیش کیا گیا جو مئی یا جون 2006ءمیں فروخت کے لیے دستیاب ہوئی اور ہمارا نمبر تقریباً تین، چار ماہ بعد ستمبر 2006ء میں آیا۔

Honda Civic 2012 in Pakistan

پاکستان میں دستیاب موجودہ جنریشن کی آمد بھی کچھ اسی طرح ہوئی۔ ہونڈا سِوک نویں جنریشن کو عالمی سطح پر 2011ء میں متعارف کروایا گیا اور اس کی فروخت اپریل 2011ء میں شروع ہوئی۔ اس بار پاکستان کو ایک سال سے بھی زائد عرصہ انتظار کرنا پڑا اور ستمبر 2012ء میں اسے مقامی مارکیٹ میں پیش کیا گیا۔

دسویں جنریشن کی ہونڈا سِوک سے متعلق مزید تفصیلات آئندہ ماہ اکتوبر 2015ء میں سامنے آئیں گی جس کے بعد اسے فروری 2016ء میں فروخت کے لیے پیش کردیا جائے گا۔ یہ بات اپنی جگہ درست ہے کہ ہونڈا کی فروخت میں زبردست گراوٹ آئی ہے تاہم اس سے قطع نظر ہونڈا ایٹلس ستمبر 2016ء میں ہونڈا سِوک پیش کرسکتی ہے۔ حقیقت تو یہ ہے کہ ہونڈا ایٹلس کو یہ سِوک مارکیٹ میں لانے کی اتنی ہی جلدی ہے جتنی ہمیں اسے مارکیٹ میں دیکھنے کی ہے۔

Baber K. Khan

An auto enthusiast trying to bring car media mainstream.

  • Amir Masood

    Any news for launch of new model of honda City in pakistan. Thousands of people are waiting for it. Why to much delay? Now i have finally buy an Alternate of Honda City after wait of 6 months.

  • abbas

    which one will be offered for sale? Civic 1.8 L or 1.5 L Turbo charged?

Top