لاہور میں نئی ہونڈا سِوک 2016 کی جانچ؛ جلد آمد کے امکانات مزید روشن

Honda Civic 2016

گاڑیوں کے شوقین افراد اگر کسی چیز کے شدت سے منتظر ہیں تو وہ پاکستان میں نئی ہونڈا سِوک (Honda Civic 2016) کی آمد کے علاوہ کچھ ہو ہی نہیں سکتا۔ ہونڈا ایٹلس کو بھی اس کا بخوبی ادراک ہے اور اسی لیے وہ اپنے مداحوں کی خواہش جلد از جلد پوری کرنے کی کوشش کر رہا ہے۔ اس کی تازہ مثال لاہور – ملتان روڈ پر گزشتہ شب کی جانے والی نئی ہونڈا سِوک کی آزمائشی سے بھی لگایا جاسکتا ہے جس کے عکس میں نے اپنے کیمرے میں محفوظ کرلیے۔

یہ بھی پڑھیں: ہونڈا سِوک 2016 رواں سال جون یا جولائی میں پیش کی جائے گی: ذرائع

اگر آپ اس گاڑی کے اکثر حصوں کو سیاہ پٹیوں میں لپٹا ہوا دیکھ کر پریشان ہیں تو ہم آپ کو بتائے دیتے ہیں کہ ایسا کسی گاڑی کے ساتھ پہلی بار نہیں ہورہا۔ عام طور پر تمام ہی کار ساز ادارے اپنی نئی گاڑی کو عوام کے سامنے پیش کرنے سے قبل اسے مختلف آزمائشی مراحل سے گزارتے ہیں جن میں عام سڑکوں اور شاہراہوں پر سفر بھی شامل ہیں۔ اس صورت میں گاڑی کو عام لوگوں کی نظروں سے دور رکھنے کے لیے مختلف طریقوں سے ڈھانپ دیا جاتا ہے اور یہی وجہ ہے کہ ان تصاویر میں سِوک کے اکثر حصے سیاہ رنگ میں نظر آرہے ہیں۔ البتہ نئی ہونڈا سِوک 2016 کے دو ٹیل پائپس اور گاڑی کا مجموعی سائز بخوبی دیکھا جاسکتا ہے۔

پاکستان میں ہونڈا سِوک کی آمد سے متعلق خصوصی گفتگو میں حصہ لینے کے لیے یہاں کلک کریں

پاک ویلز کے مستقل قارئین بخوبی جانتے ہوں گے کہ ہم نے گزشتہ ماہ ہونڈا سِوک 2016 کی پاکستان آمد سے متعلق ایک خبر شائع کی تھی جس کے مطابق ہونڈا ایٹلس نئی سِوک کو جون یا جولائی کے مہینے میں پیش کرنے کی تیاری کر رہا ہے۔ اور اب لاہور میں نئی سِوک کی آزمائش دیکھ کر بخوبی اندازہ لگایا جاسکتا ہے کہ ہونڈا ایٹلس جلد سِوک پیش کرنے کا ارادہ رکھتا ہے۔ یاد رہے کہ رواں سال کے اوائل میں ہونڈا HR-V بھی متعارف کروائی گئی تھی تاہم وہ اب تک پاکستانی خریداروں کو اپنی طرف متوجہ کرنے میں ناکام رہی ہے۔ اب دیکھنا ہے کہ آیا نئی ہونڈا سِوک 2016 کی آمد ہونڈا ایٹلس کے لیے خوش قسمتی کا باعث بنے گی یا نہیں۔

FB_IMG_1464184274912


Google App Store App Store
Adan Ali

Adan is a Rising Journalism Sophomore at Northwestern University, with an inclination towards non-political investigative journalism and advertising. He is currently serving as a Research Assistant for the Arab World’s first media museum, The Media Majlis and an Admissions Diplomat at NU-Q. Adan comes with an experience of almost three years in the field of media creation, alongside Dawn, Parhlo, PakWheels, and The Daily Q occupying the roles of an Intern, Guest Writer, and Staff Reporter. Formerly, Adan has served as a Founder and CEO of The Nixor Times, a media and advertising company, besides which, he has offered his services as a Member of Board at Nixor Corporate. He tweets @adanali12 and runs a channel on YouTube.

Top