کیا ہونڈا سِوک کی چوڑائی پاکستانی سڑکوں کے لیے غیر موزوں ہے؟

2016-Honda-Civic

اب سے چند روز قبل میں اپنی سوزوکی آلٹو (Alto) میں ایک سروس روڈ پر محو سفر تھا کہ مخالف سمت سے نئی ہونڈا سِوک (Civic) آتی ہوئی نظر آئی۔ جب یہ خوبصورت سیڈان میرے نزدیک پہنچی تو احساس ہوا کہ یہ سڑک کے اعتبار سے کافی چوڑی ہے۔ اس خیال کہ آتے ہی میں نے اپنی آلٹو کو مزید کنارے پر لگا دیا کیوں کہ اگر میں ایسا نہ کرتا تو دونوں گاڑیوں کے سائڈ مررز کا ٹکرانا لازمی تھا۔ بہرحال، جب میں اپنے گھر پہنچا تو میرا ذہن بار بار دسویں جنریشن سوک کی پیمائش جاننے سے متعلق اکساتا رہا۔ فرصت ملتے ہی میں نے نویں اور دسویں جنریشن کی لمبائی، چوڑائی اور اونچائی کا موازنہ کرنے کی ٹھانی۔

old-civic-small new-civic-small
پیمائش
(ملی میٹر / انچ)
ہونڈا سوک
(نویں جنریشن)
ہونڈا سوک
(دسویں جنریشن)
لمبائی 4525 / 178.1 4630 / 182.3
چوڑائی 1755 / 69.1 1800 / 70.9
اونچائی 1435 / 56.5 1433 / 56.4
ویل بیس 2670 / 105.1 2700 / 106.3

اوپر موجود اعداد و شمار سے بخوبی اندازہ لگایا جاسکتا ہے کہ نویں جنریشن سوک کے مقابلے میں دسویں جنریشن سِوک صرف 45 ملی میٹر یعنی 1.77 انچ زیادہ چوڑی ہے۔ اتنا معمولی فرق؟ یہ بات میرے لیے واقعی حیران کن بات تھی۔ پھر میں نے دسویں جنریشن سوک کا موازنہ پاکستان میں دستیاب دیگر سیڈان گاڑیوں بشمول گیارہویں جنریشن ٹویوٹا کرولا (Corolla) اور پانچویں جنریشن ہونڈا سِٹی (City) سے موازنہ کرنے کا سوچا۔

یہ بھی پڑھیں: حقیقت یا نظر کا دھوکا؟ ہونڈا سوک 2016 بی ایم ڈبلیو 3 سیریز جتنی بڑی ہے!

corolla-small city-small new-civic-small
پیمائش
(ملی میٹر / انچ)
ٹویوٹا کرولا
(گیارہویں جنریشن)
ہونڈا سٹی
(پانچویں جنریشن)
ہونڈا سوک
(دسویں جنریشن)
لمبائی 4620 / 181.9 4395 / 173 4630 / 182.3
چوڑائی 1775 / 69.9 1695 / 66.7 1800 / 70.9
اونچائی 1475 / 58.1 1480 / 58.3 1433 / 56.4
ویل بیس 2700 / 106.2 2550 / 100.4 2700 / 106.3

اس پر تحقیق کرنے سے علم ہوا کہ ٹویوٹا کرولا کے مقابلے میں دسویں جنریشن ہونڈا سِوک صرف 1 انچ چوڑی ہے جبکہ ہونڈا سِٹی کے مقابلے میں 4.2 انچ چوڑی ہے۔ اس سے یہ بھی پتہ چلا کہ دسویں جنریشن ہونڈا سوک پاکستان میں دستیاب سب سے چوڑی سیڈان ہے۔ یاد رہے کہ پاکستان میں سڑک کے اطراف بنائی جانے والی سروس لین کی چوڑائی 144 سے 180 انچ (12 سے 15 فٹ) ہوتی ہے۔

نئی ہونڈا سِوک آسان اقساط پر حاصل کرنے کے لیے یہاں کلک کریں

اس طرح مجھے یقین ہوگیا کہ ہونڈا سِوک بظاہر بہت زیادہ چوڑی نظر آتی ہے تاہم پاکستانی شاہراہوں کے لیے یہ چوڑان مسئلے کی بات نہیں ہے۔ شاید میرے سامنے آنے والا سوک کا ڈرائیور اپنی نئی گاڑی کے لیے بہت حساس ہوگا تبھی وہ سڑک کے بیچوں بیچ گاڑی چلا رہا تھا۔ اگر آپ نے بھی نئی سوک دیکھی ہوئی ہے تو ہمیں اپنے تجربے سے ضرور آگاہ کریں کہ آیا وہ آپ کو غیر معمولی طور پر وسیع معلوم ہوتی ہے یا نہیں۔

Samiullah Sharief

Samiullah Sharief is a car enthusiat. He is passionate about writing blogs and reviews about cars. His hobbies are driving,watching TV Shows like Top Gear, Mega Factories and he follows Popular car magazines. You can reach out to him by tweeting @sami649

  • Usman Awan

    You should have compared it with civic reborn 8th gen…i think they are bit identical…

  • Waseem khan

    Honda Civic hai. Aap ki behan shareef ka khusa nahi jo ghair mozu hoga. I mean come on people, if you people can’t afford a good car hy are you commenting about it. I bet no one from the people who are criticizing the car can even afford it’s basic version.

Top