ہونڈا نے ہائبرڈ گاڑیوں کے لیے جدید برقی موٹر تیار کرلی!

Honda Freed to get revolutionary Hybrid motor

گاڑیاں بنانے والا جاپانی ادارہ ہونڈا موٹرز طویل عرصے سے ہائبرڈ گاڑیوں کا ایک ایسا نظام بنانے کی کوشش کر رہا ہے جو اسے ہم وطن روایتی حریف ٹویوٹا موٹرز سے مسابقت کے قابل بنا سکے۔ اب ایسا محسوس ہوتا ہے کہ وہ وقت آگیا ہے کیوں کہ ہونڈا نے مستقبل میں پیش کی جانے والی ہائبرڈ گاڑیوں کے لیے ایک نئی برقی موٹر تیار کی ہے۔ اس جدید برقی موٹر کی تیاری میں ہونڈا موٹرز کو جاپانی ادارے دائیڈو اسٹیل کا بھی تعاون حاصل رہا ہے۔

مزید جانیں: ٹویوٹا اور ہونڈا کی ہائبرڈ گاڑیوں میں کیا چیز مختلف ہے؟

٭ جدید برقی موٹر کی خاص بات کیا ہے؟

اب سے تقریباً دو عشرے قبل پیش کی جانے والی ہائبرڈ ٹیکنالوجی کا رجحان تیزی سے فروغ پارہا ہے۔ یہی وجہ ہے کہ اب روایتی انجن کی حامل گاڑیوں کے ساتھ ہائبرڈ ٹیکنالوجی کے استعمال میں روز بہ روز اضافہ نظر آرہا ہے۔ ہائبرڈ گاڑیوں میں استعمال ہونے والی برقی موٹرز میں مقناطیس استعمال کیے جاتے ہیں جنہیں بہت قیمتی دھات سے تیار کیا جاتا ہے۔ ان دھاتوں میں ڈسپروسیم اور ٹربیئم شامل ہوتا ہے جو دنیا میں بہت کم دستیاب ہے۔ پھر ہائبرڈ گاڑیوں کی بڑھتی ہوئی مانگ کے باعث ان نایاب دھاتوں کی دستیابی میں بھی مشکلات کا سامنا کرنا پڑ رہا ہے جس کا براہ راست اثر گاڑیوں کی تیاری میں تاخیر اور قیمت میں اضافے کی صورت میں نظر آرہا ہے۔

ہونڈا کی بنائی گئی جدید برقی موٹر میں نایاب دھاتوں ڈسپروسیم اور ٹربیئم کے بغیر کام کرے گی۔ اس طرح نہ صرف برقی موٹر کی تیاری پر 10 فیصد کم لاگت آئے گی بلکہ روایتی موٹر کے مقابلے میں اس نئی موٹر کا وزن بھی 8 فیصد کم ہوگا۔ شاید کچھ قارئین کے لیے 10 فیصد اور 8 فیصد بہت معمولی فرق ہو تاہم مجموعی طور پر گاڑیوں کی تیاری اور قیمت پر اس کا واضح فرق پڑے گا۔ اور سب سے اہم نکتہ یہ ہے کہ مستقبل میں ڈسپروسیم اور ٹربیئم جیسی دھاتوں کی عدم دستیابی کی صورت میں ہائبرڈ ٹیکنالوجی کا تسلسل جاری رکھا جاسکے گا۔

یہ بھی پڑھیں: ٹویوٹا پرایوس 2016: سب سے کم ایندھن خرچ کرنے والی ہائبرڈ کار

Breakthrough Hybrid Motor

٭ جدید موٹر کس طرح منفرد ہے؟

ہونڈا نے جدید برقی موٹر میں شامل مقناطیس کی تیاری کے لیے روایتی انداز سے ہٹتے ہوئے hot deformation کا طریقہ کار استعمال کیا ہے۔ اس طریقے سے انتہائی باریک ٹکڑوں کو بہتر انداز سے جوڑا جاسکتا ہے جس سے مقناطیس میں حرارت برداشت کرنے کی اضافی صلاحیت پیدا ہوتی ہے۔

٭ جدید برقی موٹر کا استعمال کب شروع ہوگا؟

دائیدو الیکٹرانکس کے ذیلی ادارے دائیڈو اسٹیل کی جانب سے بتایا گیا ہے کہ وہ اس نئی موٹر کی تیاری رواں سال اگست سے شروع کی جائے گی۔ یوں ہونڈا موٹرز رواں سال پیش کی جانے والی ہونڈا فریڈ (Freed) کے ہائبرڈ ماڈل میں اس نئی برقی موٹر کو استعمال کرسکے گا۔ ہونڈا فریڈ اس وقت صرف ایشیا ہی میں فروخت کی جارہی ہے اس سے اندازہ لگایا جاسکتا ہے کہ ہونڈا (Honda) اس نئی موٹر کو ایشیائی ممالک میں پیش کرنے کو ترجیح دے رہا ہے جو بلاشبہ ابھرتی ہوئی منڈیوں میں سے ایک ہے۔

Honda freed with new hybrid motor

Adan Ali

Adan is a Tribe Leader at Drive Tribe, who writes to share his passion for cars, culture and gadgetry through words. So far his writings and contributions have been able to make their way to media outlets like PakWheels and Dawn. Reach out to him by tweeting @adanali12

Top