گاڑیاں بنانے والے مقامی ادارے ہونڈا، ٹویوٹا اور الحاج فا رواں سال دو مرتبہ اپنی کاروں کی قیمت بڑھا چکے ہیں۔ اور ڈان کے مطابق اب اٹلس ہونڈا نے اپنی موٹر سائیکلوں کی قیمتیں بھی بڑھادی ہیں۔ ادارے نے قیمتوں میں 500 سے 3000 روپے تک کا اضافہ کیا ہے۔ یہ دوسراموقع ہے کہ کمپنی نے اپنی موٹر سائیکلوں کی قیمتیں بڑھائی ہیں، اس سے پہلے بھی قیمتوں میں 500 سے 1000 روپے تک اضافہ کیا جا چکا ہے۔
ہونڈا موٹر سائیکلوں کی تبدیل شدہ قیمتیں یہ ہیں:
| نئی قیمتیں | پرانی قیمتیں | اضافہ | |
| ہونڈا CG-125 | 109,000 روپے | 107,500 روپے | 1,500 روپے |
| ہونڈا CG-125 ڈیلکس | 129,500 روپے | 126,500 روپے | 3,000 روپے |
| ہونڈا پرائیڈر 100cc | 88,000 روپے | 87,000 روپے | 1,000 روپے |
| ہونڈا CD-70 | 64,000 روپے | 63,500 روپے | 500 روپے |
| ہونڈا CD-70 ڈریم | 68,500 روپے | 67,500 روپے | 1,000 روپے |
| ہونڈا CB-150F | 165,000 روپے | 162,000 روپے | 3,000 روپے |
موٹر سائیکلوں کی یہ نئی قیمتیں 2 اپریل 2018ء سے لاگو ہیں۔ یہ نرخ ڈالر کے مقابلے میں روپے کی مسلسل گرتی ہوئی قدر کی وجہ سے تبدیل ہوئے ہیں۔ جنوری میں قیمتیں بڑھانے کے باوجود ادارے نے اپنی تاریخ میں ریکارڈ سب سے زیادہ موٹر سائیکلیں فروخت کیں؛ اور صرف ایک مہینے میں 1 لاکھ سے زیادہ موٹر سائیکلیں بیچیں۔
آگے بڑھتے ہوئے اٹلس ہونڈا نے پاکستان میں نئی 250cc کی موٹر سائیکل، 2018ء ہونڈا CB 250F بھی پیش کردی۔ نئی موٹر سائیکل کی قیمت 640,000 ہے۔
ہماری طرف سے صرف اتنا ہی، آٹو موبائل کی دنیا سے مزید جاننے کے لیے pakwheels.com دیکھتے رہیے۔
