ہونڈا نیوی: بھارت میں تیار ہونے والی پہلی ہونڈا موٹر سائیکل متعارف

Honda-Navi-bike-feature

ایشیا کے سب سے بڑے آٹو ایکسپو 2016 میں ہونڈا CD110 ڈریم پیش کرنے کے بعد جاپانی موٹر سائیکل ساز ادارے نے ایک غیر روایتی اور دلچسپ موٹر سائیکل سے پردہ اٹھایا ہے۔ ہونڈا موٹرسائیکل اور اسکوٹر انڈیا نے اپنی تازہ ترین پیش کش کو ہونڈا نیوی کا نام دیا ہے۔اس موٹر سائیکل کا انداز نوجوانوں کا شوق اور پسند کو مدنظر رکھ کر بنایا گیا ہے یہی وجہ ہے کہ اسے ہونڈا نے “دلچسپ سفر کا نیا باب” (new segment in fun riding) قرار دیا ہے۔

یہ بھی پڑھیں: آٹو ایکسپو 2016 میں ہونڈا CD110 ڈریم ڈیلکس کی آمد!

انڈین آٹو بلاگ کے مطابق اس موٹر سائیکل کے منفرد انداز کے علاوہ سب سے زیادہ خاص بات یہ ہے کہ اسے مکمل طورپر بھارت ہی میں تیار کیا گیا ہے۔ تحقیق سے تیاری تک تمام کام ہونڈا موٹر سائیکل اور اسکوٹر انڈیا نے بھارتی سرزمین پر ہی انجام دیا۔ اس موٹر سائیکل کی قیمت 39,500 بھارتی روپے ہے جو پاکستانی روپے میں تقریباً 60 ہزار رقم بنتی ہے۔

ہونڈا نیوی کے تین مختلف انداز متعارف کروائے گئے ہیں:
1۔ ہونڈا نیوی اسٹریٹ
2۔ ہونڈا نیوی ایڈونچر
3۔ ہونڈا نیوی آف-روڈ

یہ موٹر سائیکلیں 5 مختلف رنگوں میں دستیاب ہوں گی جن میں سرخ، سفید، سبز، نارنجی اور سیاہ رنگ شامل ہیں۔بھارت میں رہنے والے قارئین ہونڈا اینڈرائیڈ ایپ کے ذریعے ابھی اس بائیک کا آرڈر کرسکتے ہیں البتہ فراہمی کا آغاز اپریل سے کیا جائے گا۔

new honda bike honda navi

استعمال شدہ موٹر سائیکلوں کی خرید و فروخت کے لیے یہاں کلک کریں

ہونڈا نیوی میں 110 سی سی انجن لگایا گیا ہے جو 7.83 بریک ہارس پاور اور 8.96 نیوٹن میٹر ٹارک فراہم کرتا ہے۔ یہ واحد سلینڈر انجن ہے جسے ہونڈا ایکو ٹیکنالوجی سے منسلک کیا گیا ہے۔ اس سے قبل یہ انجن ہونڈا ایکٹیوا میں بھی استعمال کیا جاچکا ہے۔ گو کہ ہونڈا نیوی کی ہارس پاور نئی ہونڈا CD110 ڈریم سے کچھ کم ہے لیکن اس کا ٹارک زیادہ ہے۔ انجن کے ساتھ آٹو میٹک گیئر (V-Matic) منسلک کیا گیا ہے۔

عام موٹرسائیکلوں کے مقابلے میں ہونڈا نیوی کا انداز واقعی منفرد ہے البتہ اس کی وجہ سے فیول ٹینک صرف 3.8 لیٹر تک ہی محدود ہوگیا ہے۔ بدقسمتی سے پاکستان میں ایسی کوئی موٹر سائیکل موجود نہیں جس کا ہونڈا نیوی سے موازنہ کیا جاسکے۔ ہم امید ہی کرسکتے ہیں کہ مقامی سطح پر موٹر سائیکل اور گاڑیاں تیار کرنے والے ادارے بھی تحقیق و تیاری پر محنت کریں اور مستقبل میں پہلے سے بہتر مصنوعات کی فراہمی ممکن بنائیں۔ ایٹلس ہونڈا (Honda Bike) کے لیے بہترین وقت ہے کہ وہ پڑوسی ملک میں کام کرنے والی ہونڈا موٹر سائیکل اور اسکوٹر انڈیا سے کچھ سبق حاصل کریں۔

I am a visual communications artist, I use arts and visual content to tell automotive stories to people.

  • kashif

    kya bike hay yaaaaaaaaaaaaaaaaaaaaaaaaaaaaar,,,, pakistan me ye kabhi nahi aani,, jese suzuki GS 150 ka wait kartay rahay india ki,, classic style he chalao sirf,, sastay me bike k shauk yahan pakistan me kabhi puray nahi honay hain,, or heavy bike aik aam banda kyon lay ga aik car ko choor k 🙁

Top