ہونڈا ایٹلس کی انعامی اسکیم: ہونڈا سِوک کی فروخت میں اضافہ کی آخری کوشش

Ad 15x8

ہونڈا ایٹلس نے سِوک کی نویں جنریشن متعارف کروانے سے قبل تمام پرانی سِوک (آٹھویں جنریشن) فروخت کرنے کے لیے اس کی قیمتوں میں نمایاں کمی کا طریقہ کار اختیار کیا تھا۔ اب ایسا محسوس ہوتا ہے کہ دسویں جنریشن ہونڈا سِوک 2016 کی پیش کش سے قبل ہونڈا ایٹلس نویں جنریشن کی سِوک زیادہ سے زیادہ فروخت کر کے اپنے گودام خالی کرنا چاہتا ہے۔ اس کے لیے انہوں نے ایک عدد انعامی اسکیم بھی شروع کی ہے جس کے تحت 30 جون تک ہونڈا کی کوئی بھی گاڑی خریدنے پر 5 اسٹار ہوٹل میں قیام، لاہور میں قائم ہونڈا کے کارخانے کا دورہ، دیگر گاڑیوں کی آزمائش اور ہونڈا کے اعلی عہدیداران سے ملاقات کا موقع پا سکتے ہیں۔

یہ بھی پڑھیں: لاہور میں نئی ہونڈا سِوک 2016 کی جانچ؛ جلد آمد کے امکانات مزید روشن

یہ انعامی اسکیم یکم اپریل 2016 سے شروع ہوئی ہے اور رواں مالی سال کے آخر یعنی 30 جون تک جاری رہے گی۔ تاہم ہونڈا کی آفیشل ویب سائٹ پر موجود اس انعامی اسکیم کی تفصیلات غیر واضح ہیں۔ مثال کے طور پر اس صفحہ میں یہ بات درج نہیں کہ آیا اس انعامی اسکیم کے تحت ہر خریدار کو یہ خصوصی سہولیات فراہم کی جائیں یا پھر کسی ایک خوش نصیب کا نام بذریعہ قرعہ اندازی نکالا جائے گا۔

honda atlas pakistan screenshot

اس کے ساتھ ہونڈا کی ایک اور اسکیم بھی جاری تھی جس کے تحت 2 لاکھ 75 ہزار گاڑیاں فروخت کرنے کا سنگ میل عبور کرنے پر ہونڈا نے اپنے سات صارفین کو دبئی کا ریٹرن ٹکٹ، پانچ افراد کو بینکاک کا ریٹرن ٹکٹ جبکہ 1 ہونڈا سِوک اور 1 ہونڈا سِٹی بھی تحفے میں دی۔ یہ تمام تر کوششوں ظاہر کرتی ہیں کہ ہونڈا ایٹلس جلد از جلد اپنی نویں جنریشن سِوک کا اسٹاک ختم کرنے کا خواہاں ہے جس کے بعد ہونڈا سِوک 2016 پیش کی جائے گی۔ یاد رہے کہ گزشتہ روز ہم نے دسویں جنریشن ہونڈا سِوک کو لاہور کی سڑکوں پر آزمائشی سفر کرتے ہوئے بھی دیکھا تھا۔ اس بارے میں مزید پڑھنے کے لیے یہاں کلک کریں۔

Adan Ali

A writer and an avid filmmaker with a passion for producing non-political media. He is the CEO of The Nixor Times, a journalistic entity that currently operates inside Nixor College, along with that, he occasionally contributes to some of the most reputable media portals in and outside of Pakistan, namely, Dawn, PakWheels, and Drive Tribe. He tweets @adanali12 and runs his channel on YouTube as youtube.com/adanali1/

Top