ہونڈا وِزل RS: پاکستانیوں کی پسندیدہ وِزل ہائبرڈ کا جدید انداز

Honda-Vezel-Hybrid-RS-feat

یوں تو جاپان سے بہت سی استعمال شدہ گاڑیاں درآمد کی جارہی ہیں لیکن پاکستان میں جن ہائبرڈ گاڑیوں نے بے پناہ مقبولیت حاصل کی ان میں ہونڈا وِزل کا بھی شمار کیا جاتا ہے۔ یہ ہائبرڈ گاڑی طویل عرصے سے فروخت ہورہی ہے اور اسے اب بھی بہت پسندیدگی کے نگاہ سے دیکھا جاتا ہے۔ یہ وہی گاڑی ہے کہ جس کی پاکستان میں بڑھتی ہوئی مشہوری دیکھتے ہوئے ہونڈا ایٹلس نے چند ماہ قبل Honda HR-V متعارف کروائی۔ لیکن چونکہ اس کی قیمت 35 لاکھ روپے رکھی گئی اس لیے اب بھی لوگوں کا رجحان ہونڈا وِزل ہی طرف محسوس ہورہا ہے۔ اور بھلا کیوں نہ ہو؟ آپ اتنی قیمت میں تو سال یا دو سال پرانی وِزل باآسانی خرید سکتے ہیں۔ علاوہ ازیں HR-V میں ہائبرڈ ٹیکنالوجی بھی شامل نہیں اس لیے سفری اخراجات کے اعتبار سے بھی وہ وِزل سے کچھ قدم پیچھے ہی رہے گی۔

پڑھیں: ہونڈا HR-V پاکستان میں متعارف کروادی گئی

تازہ خبروں کے مطابق ہونڈا جاپان وِزل کا نیا اسپورٹیئر ورژن لے کر آرہے ہیں۔ جاپان میں ہونڈا وِزل (Honda Vezel) تین سال قبل 2013 متعارف کروائی گئی تھی لہٰذا اب ہونڈا کے لیے ضروری ہوچکا تھا کہ وہ اپنی کامیاب ترین گاڑی کے سلسلے کو آگے بڑھائے اور کچھ نیا پیش کرے۔ اب ہونڈا نے اپنے مداحوں کے لیے نئی ہونڈا وِزل RS کی آمد کا اعلان کردیا ہے۔

Honda-Vezel-Hybrid-RS-1

نئی وِزل (Vezel) کے بیرونی انداز میں نئے خطوط شامل کیے گئے ہیں جس سے خوبصورتی اور جذباتی انداز میں اضافہ ہوا ہے۔ اگلے بمپر کے نیچے گِرل کا اضافہ کیا گیا ہے۔ گاڑی کو ایروڈئنامکس کے اعتبار سے بھی بہتر بنایا گیا ہے۔ کچھ خبریں ایسی بھی ہیں کہ نئی RS کی نچلی سطح عام وِزل سے تھوڑی کم اٹھی ہوئی ہوگی اور اس میں 18 انچ بڑے اور چوڑے پہیے استعمال کیے جائیں گے۔ ہونڈا کے خیال میں یہ تبدیلیاں اس گاڑی کو چلانے میں مددگار ثابت ہوں گی۔

جاپان سے استعمال شدہ ہونڈا وِزل منگوانے کے لیے یہاں کلک کریں

نئی ہونڈا وِزل RS کے انجن سے متعلق معلومات فراہم نہیں کی گئیں اس لیے یہی توقع کی جارہی ہے کہ اس میں بھی موجودہ وِزل کا 1500 سی سی SOHC i-VTEC چار-سلینڈر پیٹرول انجن استعمال کیا جائے گا۔ اس انجن کے ساتھ i-DCD برقی موٹر بھی لگائی جائے گی جو 7 اسپیڈ CVT گیئر کی مدد سے 150 ہار س پاور فراہم کریں گے۔

ہونڈا وِزل RS ہونڈا کے اسٹائل ایڈیشن میں ایک قابل ذکر اضافہ ہے جسے جاپانی ڈومیسٹک مارکیٹ (JDM) میں فروخت کیا جائے گا۔ پاکستان میں وِزل کی مقبولیت دیکھتے ہوئے آپ امید کرسکتے ہیں کہ بہت جلد یہ گاڑی میں درآمد کرلی جائے گی۔

Honda-Vezel-Hybrid-RS-2

Honda-Vezel-Hybrid-RS-interior

Top