جڑواں سوزوکی آلٹو المعروف مہران کی حقیقت

10272540_703623606368011_394822105680851623_o

اگر آپ نے شیخ حماد بن حمدان النھیان کا نام سن رکھا ہے تو یہ بھی جانتے ہوں گے کہ ان کا شمار گاڑیوں کے شوقین مالدار ترین شخصیات میں کیا جاتا ہے۔ شیخ حماد کا عجائب خانہ ایسی منفرد اور ناقابل یقین گاڑیوں سے بھرا ہوا ہے کہ جنہیں عام شخص کے تصور سے ماوراء کہا جاسکتا ہے۔ انہوں نے معروف فوٹو گرافر محمد صابر کو مراکش میں اپنی جمع کردہ گاڑیاں دیکھنے کی دعوت دی۔ محمد صابر نے شیخ صاحب کی دلچسپ اور منفرد گاڑیوں کی تصاویر لیں اور انہیں سوشل میڈیا کے ذریعے شوقین افراد تک پہنچایا۔

پاک ویلز فورم کے کئی اراکین فوٹوشاپ کے ذریعے پاکستان کی قدیم و مشہور ترین گاڑی سوزوکی مہران کے ساتھ “کھلواڑ” کی کوشش کرچکے ہیں۔ لیکن شیخ حماد بن حمدان فوٹوشاپ استعمال کرنے کے بجائے حقیقی زندگیوں میں گاڑیوں کے ساتھ تجربات کرنے پر یقین رکھتے ہیں۔ جن گاڑیوں پر شیخ حماد اپنی منفرد سوچ اپنا چکے ہیں ان میں سے ایک سوزوکی آلٹو المعروف مہران / ماروتی 800 بھی ہے۔

شیخ صاحب نے دو سوزوکی مہران کو آپس میں جوڑنے کا حقیقی تجربہ کیا اور سچ پوچھیئے تو اس تجربے کا نتیجہ بہت دلچسپ معلوم ہوتا ہے۔ ممکن ہے یہ بات جاننے سے قبل بہت سے لوگ جڑواں سوزوکی مہران (مہرانوں) کی تصاویر کو فوٹوشاپ قرار دے رہے ہوں لیکن اب اس کی حقیقت جان کر ایک عام پاکستانی یقیناً یہ سوچ رہا ہوگا کہ اس گاڑی کی بعد از استعمال فروخت یعنی resale value کیا ہوگی۔۔۔؟؟؟

10272540_703623606368011_394822105680851623_o


Baber K. Khan

An auto enthusiast trying to bring car media mainstream.

Top