اپنی گاڑی خود منگوائیں: جاپان سے گاڑی درآمد کرنے کا مرحلہ وار طریقہ

کیا آپ نے کبھی جاپان سے من پسند گاڑی منگوانے سے متعلق سوچا ہے؟ یا آپ جدید جاپانی گاڑیاں درآمد کرنا چاہتے ہیں؟ تو پھر یہ جان کر آپ کو خوشی ہوگی کہ ٹویوٹا، ہونڈا اور سوزوکی جیسے بڑے کار ساز اداروں کے دیس جاپان سے گاڑی منگوانا زیادہ مشکل کام نہیں ہے۔ اس سے متعلق مشہور تمام غلط فہمیوں کو دور کرنے کے لیے آج میں گاڑیاں درآمد کرنے کے مرحلہ وار طریقہ کار پر روشنی ڈالوں گا جس پر عمل کر کے آپ گھر بیٹھے جاپان سے گاڑی منگوا سکتے ہیں۔

آ پ نے سنا ہوگا کہ گاڑیوں کو نیلامی مراکز میں رکھا جاتا ہے جہاں ان کی قیمت لگائی جاتی ہے اور پھر نیلامی جیتنے والے کو جاپان سے گاڑی بھیج دی جاتی ہے۔ ایسے نیلامی مراکز اب جگہ جگہ کھل چکے ہیں جہاں آپ مناسب قیمت کے ساتھ حصہ لے سکتے ہیں۔ کچھ ادارے بغیر کسی ادائیگی براہ راست نیلامی کے بھی مواقع فراہم کرتے ہیں۔ کچھ نیلامی مراکز کی اپنی ویب سائٹس بھی ہیں۔ لیکن بہتر یہی ہے کہ اگر آپ پہلی بار یہ کام کر رہے ہیں تو کسی شخص کے توسط سے قابل بھروسہ ادارے ہی سے رابطہ کریں۔

سب سے پہلے آپ کو گاڑیاں درآمد کرنے والے ادارے کے پاس اپنا کھاتہ (اکاؤنٹ) کھلوانا ہوگا جس کے لیے کوائف اور رابطے کی تفصیلات فراہم کرنا ہوں گی۔ ایک بار آپ کا کھاتہ کھل جائے تو پھر آپ کو ذیل میں موجود تصویر سے مماثل اسکرین نظر آئے گی:
MainPage

ان میں سے اپنی پسند کے برانڈ کا انتخاب کریں۔ مثال کے طور پر میں نے ڈائی ہاٹسو منتخب کیا:
Main2

اب میرے سامنے نیلامی کے لیے دستیاب ڈائی ہاٹسو کی گاڑیاں سامنے آگئیں۔ ان میں سے میرا انتخاب میرا ای ایس رہا:
Mira ES

یہاں آپ کو تمام میرا ای ایس گاڑیوں کی فہرست اور ان کے ساتھ تاریخ بھی نظر آجائے گی۔ بائیں جانب سے تیسرے کالم میں تاریخ کے نیچے آپ کو نیلامی مرکز کا نام بھی نظر آجائے گا۔ کسی بھی ایک گاڑی پر کلک کرنے سے اس کی تفصیلات بمع نیلامی شیٹ ظاہر ہوجائیں گی۔ نیلامی شیٹ (auction sheet) کو بہتر طور پر سمجھنے کے لیے آپ ہمارا مضمون “جاپانی گاڑیوں کی نیلامی شیٹ سے متعلق تفصیلات” ملاحظہ کریں۔ اس شیٹ کے سب سے اوپر گاڑی کے لیے لگائی گئی کم از کم اور زیادہ سے زیادہ (جاپانی ین میں) بولی سے متعلق معلومات بھی درج ہوں گی۔

اگر آپ کو گاڑی پسند آگئی ہے اور آپ واقعی اسے منگوانے میں دلچسپی رکھتے ہیں تو آپ کو 1 ہزار ڈالر تک رقم ادارے کے اکاؤنٹ میں امانت رکھوانا ہوگی۔ ہر ادارے کی مختلف شرائط ہوتی ہیں اس لیے کہیں یہ رقم زیادہ بھی ہوسکتی ہے اور کم بھی۔ ایک بار رقم جمع کروانے کے بعد آپ اپنی پسندیدہ گاڑی کی قیمت لگا سکتے ہیں۔ قیمت درج کرنے کا خانہ نیلامی شیٹ کے اوپر موجود ہوتا ہے۔ یاد رہے کہ یہ رقم قابل واپسی ہے اور اگر آپ کی بولی منظور نہیں کی جاتی یا آپ نیلامی میں کامیاب نہیں ہوتے تو تمام رقم آپ کو واپس کردی جائے گی۔

اب تک فروخت ہونے والی گاڑیوں کے تصویری اعداد و شمار دیکھ کر آپ حال ہی میں فروخت ہونے والی گاڑیوں کی اوسط قیمت کا اندازہ لگاسکتے ہیں۔
analysis

ذیل میں موجود تصویر میں آپ نیلام ہونے والی گاڑیوں کی فہرست اور ان کی ابتدائی و حتمی بولی سے متعلق معلومات دیکھ سکتے ہیں۔

analysis2

ایک بار آپ نے کسی گاڑی کی بولی لگادی تو ادارہ آپ کو حتمی تاریخ پر نتائج سے آگاہ کرے گا۔ اگر آپ کامیاب ہوگئے تو نیلامی مرکز آپ سے بقیہ رقم بشمول ترسیل کے اخراجات ادا کرنے کی گزارش کرے گا۔ عام طور پر 10 لاکھ جاپانی ین تک کی گاڑی بھیجنے کے اخراجات 1 لاکھ جاپانی ین ہوتے ہیں۔

رقم موصول ہونے کے بعد ادارہ آپ کو گاڑی کے اصلی کاغذات بذریعہ ڈاک ارسال کردے گا۔ جس میں یہ دستاویزات شامل ہوں گی:
1: اصلی چالان / انوائس
2: جاپانی زبان میں گاڑی برآمد کرنے کا اجازت نامہ
3: انگریزی زبان میں گاڑی برآمد کرنے کا اجازت نامہ
4: گاڑی کی ترسیل سے متعلق 2 دستاویزات جنہیں B/L کہا جاتا ہے

تقریباً 15 روز میں آپ کی گاڑی کراچی بندرگاہ کی انتظامیہ کراچی پورٹ ٹرسٹ کے پاس پہنچ جائے گی۔ بعض اوقات موسم کی خرابی کے باعث 15 روز کی تاخیر بھی ہوجاتی ہے۔ یہاں آپ کو ایک نمائندے کی ضرورت ہوگی جو کسٹمز کے تمام معاملات مثلاً کلیئرنس، پاسپورٹ اور بندرگاہ کے اخراجات وغیرہ کے مراحل پورے کرسکے اور آپ کی گاڑی بندرگاہ سے نکل کر آپ کے ہاتھوں میں آجائے۔

ہمیں امید ہے آپ کو یہ معلومات پسند آئی ہوں گی۔ اگلی مضمون میں ہم گاڑی درآمد کرنے کے فوائد و نقصانات سے متعلق بات کریں گے۔ لیکن تب تک اپنی رائے ہم تک ضرور پہنچائیں۔

Shaf Younus

I'm an Auto Enthusiast, a Student of Computer Science and above all, Citizen of Pakistan.

  • Adnan Arif

    Great news thanks for sharing . apne us website ka name to batya he nahi jahan pay nalami ki cars hoti hain

  • Ch Zawar

    کیا بتا سکتے ہیں کہ کراچی بندرگاہ پر گاڑی پہنچ جانے کے بعد کتنے فیصد ٹیکس ادا کرنا ہو گا جو گاڑی کی قیمت ،بندرگاہ، شپنگ چارجز کے علاوہ ہے۔?

  • devil

    Plz tell website which are you using in guide?

  • Shahzad Faisal Waran

    It’s awesome information. So far I have seen that Pakwheels is not just another bullshit selling / purchasing middleman website, but it’s doing a virtue by spreading the knowledge to the people and helping them

  • Shahzad Faisal Waran

    Can u pls tell me also what are the clearance charges from Karachi port?

  • SOHAIL AHMAD RIZVI

    I want to Import Say Honda Civic 2005 full Option RHD ( right Hand Drive ) Can You Tell Me Can I import and what will be the CUSTOMS DUTY AND OTHER CHGS AT KARACHI PORT, Pls Tell Me Exact and correct informations, If you are not sure or have any doubt pls Forget, But Dont Try To Transmit Incorrect Facts, Thankx

  • sohail

    i want toyota passo 2013 any body can help me for import

  • Shoaib Muhammad

    you skipped Custom Cleaeance step.
    Coz used car can only be import under Gift Scheme, Personal Baggage or Transfer of Residence (TOR). There is no other way to import used Car ..

  • kiramat shah

    kiramat shah i want to import say toyota RUSH 2012 full option G ( right Hand Drive ) Can You Tell Me Can I import and what will be the CUSTOMS DUTY AND OTHER CHGS AT KARACHI PORT, Pls Tell Me Exact and correct informations, If you are not sure or have any doubt pls Forget, But Dont Try To Transmit Incorrect Facts, Thankx

  • emkenny

    What?????
    This is bullshit it means we are paying almost the whole price extra for getting a 660 car.
    These rulers are not only sucking but drilling this nation. . . . 🙁

  • Abid

    Nissan XTrail 2000 cc,hybrid 2015 Model,kitna tax ha ?

  • Ali Haider

    can you please tell me the site from where i get the japenese car

Top