اسلام آباد میں انٹیلی جنٹ ٹرانسپورٹیشن سسٹم (ITS) متعارف کروایا جائے گا


ٹرانسپورٹ کے مسائل اور ٹریفک کی رکاوٹوں کو دور کرنے کے لیے کیپٹل ڈیولپمنٹ اتھارٹی (CDA) نے وفاقی دارالحکومت میں ایک انٹیلی جنٹ ٹرانسپورٹیشن سسٹم متعارف کروانے کا فیصلہ کیا ہے۔ 

جدید ٹریفک مینجمنٹ سسٹم شہر کی مرکزی شاہراہ اسلام آباد ایکسپریس وے پر لگایا جائے گا زیرو پوائنٹ سے شروع ہوکر روات تک جائے گا۔ اس راستے پر ٹریفک کے بڑے بہاؤ کی اس سسٹم کے ذریعے نگرانی کی جائے گی۔ 

یہ سسٹم کس طرح کام کرے گا؟ 

ITS اعلیٰ معیار کے CCTVکیمروں سے لیس ہوگا جو ساکن (static) اور حرکت کرنے والے (PTZ) خصوصیات کے حامل ہوں گے تاکہ ٹریفک پر کڑی نظر رکھ سکیں۔ یہ کیمرے ہر 3 کلومیٹر کے فاصلے پر لگائے جائیں گے کہ جو 500 میٹرز تک کی ٹریفک کوریج فراہم کرنے کے قابل ہوں گے۔ ایک ٹریفک کنٹرول سینٹر (TCC) قائم کیا جائے گا جو ریئل ٹائم کوریج کے لیے ان کیمروں سے منسلک ہوگا۔ کنٹرول سینٹر فیلڈ ڈیوائسز سے منسلک ہوگا کہ جوبیک لائٹ LED وال اسکرینز،وڈیو اسٹوریج، وڈیو وال کنٹرولر اور ایک مرکزی نیٹ ورک سوئچ پر مشتمل ایک نیٹ ورک سے جڑی ہوں گی۔ یہ پورا سسٹم فائبر آپٹک کیبلز کا استعمال کرکے لگایا جائے گا جو مندرجہ بالا راستے پر ایکسپریس وے پر لگائی جائیں گے۔ اس سسٹم کو انتہائی طاقتور جیل بیٹریوں سے بیک اپ دیا جائے گا تاکہ بجلی جانے کی صورت میں یہ کام کرتا رہے۔ 

ITS کے فائدے: 

انٹیلی جنٹ ٹرانسپورٹیشن سسٹم کی تنصیب کا مقصد روڈ سیفٹی کو بہتر بنانا، ٹریفک کے مسائل کو سنبھالنا اور وفاقی دارالحکومت کی اہم شاہراہ پر دباؤ کو کم کرنا ہے۔ ریئل ٹائم ڈیٹا کی مدد سے مختلف الیکٹرانک پیغامات کا استعمال کسی بھی متبادل راستے، تعمیراتی کام کے انتباہ یا حادثے کی صورت میں ٹریفک کو سنبھالنے کے مددگار ہوگی۔ ITS سسٹم کے دیگر فوائد میں روڈ کا استعمال کرنے والی گاڑیوں کی شناخت اور گنتی شامل ہیں۔ جدید نظام رش کے اوقات میں ٹریفک کو سنبھالنے میں بھی مدد دے گا۔ اسپیڈ کنٹرول فیچر بنام پوائنٹ ٹو پوائنٹ (P2P) مخصوص مقامات پر حدِ رفتار کو سمجھنے میں حکام کو مدد دے گا۔ ان مقامات کے لیے اوسط رفتار مانیٹرنگ اتھارٹی طے کرے گی۔ ایکسپریس وے کے ساتھ کانٹے بھی لگائے جائیں گے تاکہ گاڑیوں کے وزن کی نگرانی کی جا سکے۔ بلاشبہ یہ سسٹم ٹریفک کے بہاؤکو رواں کرنے، روڈ سیفٹی کو بہتر بنانے اور ٹریفک مسائل کو حل کرنے میں مدد دے گا۔ 

مزید برآں، ٹریفک کے حوالے سے خبروں سے مسافروں کو آگاہ کرنے کے لیے ایک ویب پورٹل اور ایک موبائل ایپ بھی بنائی جائے گی کہ جس تک صارفین ہر جگہ سے رسائی حاصل کر پائیں گے۔ اسلام آباد ایکسپریس وے پر ٹریفک کے دباؤ کو کنٹرول کرنے کے لیے یہ حکام کی جانب سے اٹھایا گیا ایک اچھا قدم ہے۔ ITS سسٹم متعارف کروانے پر اپنی رائے نیچے تبصروں میں دیجیے۔ مزید خبروں کے لیے پاک ویلز کے ساتھ رہیے۔


Google App Store App Store

Apart from being an Electrical Engineer by profession, he is an automotive content writer at PakWheels, a web designer and a photographer.

Top