کیوں نہ بڑی سیڈان کی جگہ چھوٹی گاڑیاں آزمائیں؟ وقت اور پیسے دونوں بچائیں!

featured-hatchback-image

تازہ اعداد و شمار کے مطابق پاکستان کی مجموعی آبادی ساڑھے 18 کروڑ سے تجاوز کرچکی ہے۔ سب سے زیادہ آبادی کے حامل ممالک میں ہمارا شمار چھٹے نمبر ہوتا ہے۔ پاک سر زمین کا کُل رقبہ تقریباً 8 لاکھ مربع کلومیٹر پر مشتمل ہے۔ تقریباً 37 فیصد لوگ شہری علاقوں میں آباد ہیں۔گویا پاکستانیوں کی بڑی تعداد گاؤں اور چھوٹے شہروں میں زندگی بسر کر رہی ہے۔

یہ بھی پڑھیں: استعمال شدہ گاڑی خریدنے سے پہلے انجن کی 5 چیزیں ضرور دیکھیں

عالمی ادارہ صحت کے اعداد وشمار کے مطابق سال 2010 تک پاکستان میں ساڑھے 78 لاکھ (78,53,022) سے زائد گاڑیاں رجسٹر کی جاچکی تھیں۔ بعد ازاں ان میں اضافے کا اندازہ ڈی آئی جی ٹریفک کراچی عامر احمد شیخ کے بیان کردہ اعداد و شمار سےلگایا جاسکتا ہے۔ سال 2015ء میں ڈی آئی جی ٹریفک نے کہا تھا کہ صرف شہر کراچی میں رجسٹر ہونے والی گاڑیوں کی تعداد 36 لاکھ (36,42,000) سے تجاوز کرچکی ہے۔ اور گاڑیوں کی فروخت پچھلے اور رواں مالی سال میں تسلسل کے ساتھ بڑھ رہی ہے، اسے دیکھتے ہوئے کہا جاسکتا ہے کہ مستقبل قریب میں یہ اعداد و شمار بہت تیزی سے تبدیل ہوجائیں گے۔

Photo credit: Jang Group

یہ تمام باتیں یہاں لکھنے کا مقصد یہ بتانا ہے کہ ہماری آبادی کس خطرناک شرح سے بڑھ رہی ہے جبکہ ہمارے پاس رہنے کو جگہ کم پڑتی جارہی ہے۔ ہمارے بڑے شہر روز بروز گنجان آباد ہوتے جارہے ہیں۔شہر کے حدود بھی وقت کے ساتھ پھیل رہی ہیں۔بے ہنگم ٹریفک سےہمارا صبح و شام واسطہ پڑتا ہے چاہےگھر سے دفتر جانے کا وقت ہو یا دفتر سے واپس گھر پہنچنے کا۔ ایسے مسائل اس وقت تک بڑھتے چلے جائیں گے کہ جب تک ہم انہیں حل کرنےکا سوچنا شروع نہیں کریں گے۔

قارئین بخوبی جانتے ہوں گے جاپان ایک چھوٹا سا ملک ہے۔ بڑھتی ہوئی آبادی اور گاڑیوں کی فروخت میں اضافے سے جاپان کو بھی مشکلات پیش آچکی ہیں۔ یہی وجہ ہے کہ انہوں نے Kei گاڑیاں متعارف کروائیں جوعام سیڈان گاڑیوں کے مقابلے میں بہت چھوٹی اور ایندھن بھی کم خرچ کرتی ہیں۔ حکومتِ جاپان نے Kei گاڑیوں کو عام کرنے کے لیے خریداروں کو کئی مراعات بھی دیں جس سے گاڑیوں کے صارف اس چھوٹی گاڑی کی طرف راغب ہوئے۔

kei-cars-japan-graph

پاکستان کے شہری علاقوں میں گاڑی چلانا دن بہ دن مشکل ہوتا ہوا جارہا ہے اور یہ صورتحال دیکھ کر خیال آتا ہے کہ ہم بھی جاپانیوں کی طرح چھوٹی گاڑیوں کی خریداری کو ترجیح دیں گے یا نہیں؟اگر آپ کا زیادہ تر سفر شہر کے اندر ہی ہوتا ہے تو کیوں نہ اس کے لیے چھوٹی ہیچ بیک گاڑی خریدی جائے؟ شاید آپ کی چھوٹی گاڑی پڑوسی کی ہونڈا سِوک سے زیادہ اچھی نہیں لگے گی لیکن آپ چھوٹی سڑکوں اور پیچیدہ رستوں پر ہونے والے ٹریفک جام میں سِوک کو پیچھے چھوڑ کر کہیں زیادہ آگے نکل سکیں گے۔ اس کے علاوہ گاڑی کی قیمت اور پھر ایندھن کے اخراجات میں بھی کافی بچت ہوجائے گی۔ مجھے بخوبی اندازہ ہے کہ آپ برق رفتار سے گاڑی نہ بھگاسکیں گے اور گیئر صرف پہلے، دوسرے اور تیسرے تک ہی محدود رہے گا۔

یہ بھی پڑھیں: پاکستان میں دستیاب 5 بہترین مختصر گاڑیاں، جن کی قیمت 10 لاکھ روپے سے بھی کم ہے!

موجودہ صورتحال دیکھتے ہوئے میرا مشورہ یہی ہے کہ اگر آپ گاڑی خریدنے کی سکت رکھتے ہیں تو چھوٹی گاڑی لینا سب سے سمجھداری کا فیصلہ ہے۔ ہر ایک اپنی ضرورت کے مطابق ہی گاڑی خریدتا ہے لیکن اگر آپ کا خاندان زیادہ بڑا ہے تو ضروری نہیں کہ آپ ایک ہی بڑی گاڑی بھی خریدیں۔ اس کی جگہ آپ دو چھوٹی گاڑیاں لے سکتے ہیں جنہیں حسبِ ضرورت استعمال میں لایا جاسکے۔ مزید یہ کہ اگر آپ ایک گاڑی کے موجودگی میں ہی دوسری چھوٹی گاڑی خریدسکتے ہیں یا پھر اپنی بڑی گاڑی کو چھوٹی گاڑی سے تبدیل کرسکتے ہیں تو چند ماہ کے لیے یہ تجربہ کرنے میں حرج ہی کیا ہے۔ میں ذاتی طور پر گاڑی نہیں خریدسکتا اسی لیے میں نے استعمال شدہ موٹر سائیکل خریدی تاکہ شہر میں باآسانی سفر کرسکوں اور بڑی گاڑیوں کے بے ہنگم ٹریفک میں اپناقیمتی وقت ضائع نہ کروں۔جب جب میں ٹریفک جام میں بڑی گاڑیوں کو پھنسا ہوا دیکھتا ہوں اور ان کے پاس سے فراٹے بھرتا گزرتا ہوں تو ایک فخر کا احساس ہوتا ہے۔ میں اس بات سے انکار نہیں کر رہا کہ موسم سرما اور چند ایک وجوہات کی وجہ سے موٹر سائیکل پر سفر زیادہ اطمینان بخش نہیں ہوتا لیکن ایسی صورتحال کا سامنا کم ہی کرنا پڑتا ہے۔ چھوٹی گاڑی کے ساتھ بھی آپ کبھی کبھار ٹریفک جام کا شکار ہوسکتے ہیں لیکن کم از کم یہ آپ کا اتنا تیل نہیں پیئے گی کہ جتنا دوسری گاڑیاں کھاتی ہیں۔

parking lot top view

اور ہاں، یہ خیال بھی ذہن سے نکال دیجیے کہ پاکستان میں چھوٹی گاڑیوں کے زمرے میں صرف سوزوکی مہران ہی دستیاب ہے۔ یہاں استعمال شدہ 660 سی سی کی متعدد گاڑیاں بہت مناسب قیمت میں دستیاب ہیں۔ اگر آپ گھر بیٹھے چھوٹی گاڑی خریدنا چاہیں تو پاک ویلز پر استعمال شدہ گاڑیوں سیکشن پرجائیں جہاں ہزاروں درآمد شدہ گاڑیاں برائے فروخت مل جائیں گی۔

  • Sibte Hassan ALi Qazilbash

    Tell the nation real benefits, KEI cars can be parked easily, you can go one way easily 😛 , and who said that its less fun to drive KEI cars rather then civic? any KEI car owner knows that fun, specially with Turbo charged engines, and it can go fast and it also have 4 gears bro.. in manual 5th is also there 🙂 go for KEI cars, modify them and then feel the difference..

Top