کراچی – لاہور موٹروے کی تعمیر؛ چینی ادارے سے 30 ارب روپے کا معاہدہ

Lahore Karachi Motorway Pakistan

کراچی – لاہور موٹروے بنانے کے لیے حکومت پاکستان نے چینی ادارے چائنا ریلوے کنسٹرکشن کارپوریشن سے معاہدہ کرلیا ہے۔ 1,152 کلومیٹر طویل اس موٹروے کو 30 ماہ کی مدت میں مکمل کیا جائے گا اور اس پر 30 ارب روپے لاگت آئے گی۔ چائنا ریلوے کا ذیلی ادارہ چائنا ریلوے 20th بیورو گروپ کارپوریشن اور پاکستانی کمپنی ظہیر خان اینڈ برادرز انجینئرز اینڈ کنسٹرکٹرز مل کر اس منصوبے پر کام کریں گے۔

متعلقہ تحریر: کراچی – لاہور موٹروے کا منصوبہ گوگل میپس پر دیکھیے

پہلے مرحلے میں کراچی تا حیدرآباد موٹروے بنایا جائے گا جس کے بعد M9 موٹروے کو لاہور تک پھیلا دیا جائے گا۔ وزیر اعظم میاں نواز شریف نے گذشتہ ماہ فیصل آباد – ملتان M4 موٹروے کے افتتاح کے موقع پر کہا تھا کہ کراچی – لاہور موٹروے پاکستان کی تاریخ کا سب سے بڑا منصوبہ ہے جس کے ذریعے آمد و رفت کے اخراجات میں کمی واقع ہوگی۔ یاد رہے کہ کراچی – لاہور موٹروے منصوبے کا افتتاح میاں محمد نواز شریف نے رواں سال مارچ میں کیا تھا۔

علاوہ ازیں پاکستان اور چین کے مابین پاک – چین اقتصادی راہداری کے منصوبے پر بھی کام جاری ہے۔ اسے دیکھتے ہوئے کہا جاسکتا ہے کہ موجودہ دور حکومت میں پاکستان میں سڑکوں کا جال مزید پھیلتا چلا جائے گا۔ نئے موٹروے کی تعمیر سے سفری وقت میں بھی واضح کمی آئے گی۔

ایسے منصوبوں میں تعمیر کے بعد اس کی دیکھ بھال کا پہلو نظر انداز نہیں کیا جانا چاہیے۔ پاکستان کے مختلف شہروں کو آپس میں جوڑنے والے موٹروے اور ہائی ویز کی حالت زار متعلقہ اداروں کی توجہ کے طالب ہیں۔ ہمیں امید ہے کہ لاہور – اسلام آباد M2 موٹروے سے حاصل ہونے والے تجربے سے سیکھتے ہوئے حکومت دوبارہ وہی غلطیاں دہرانے سے ہر ممکن پرہیز کرے گی۔

Pakistan Motorway Map

  • Haider Ali

    they should also consider quetta to connect with motorway

  • Guest

    Quetta is at the corner. One reason of delay in project is that some big powers in Karachi were also forcing that highway should “pass” from Karachi “as it is biggest city and we are custodians”. Needless to say the logic was stupid because Karachi is in a corner and already has harbour and highway. Nobody would be stupid enough to unload their ship at Gwadar and then pay for road cartage to Karachi when they already have the option to unload their ship at Karachi harbour.

    Quetta is the capital of province and needs good connection to backbone link, this is agreeable. And a branch from motorway to Quetta and continue for road travel to Iran should be made. But for everybody to want the highway to pass from his/her city, is not possible.

Top