معیاری گاڑیوں کی تیاری: کِیا موٹرز سب سے آگے؛ کئی بڑے ناموں کو پیچھے چھوڑ دیا

kia best in quality urdu

گاڑیاں بنانے والے جنوبی کوریائی ادارے کِیا موٹرز نے معیاری گاڑیوں کی تیاری میں عالمی شہرت یافتہ اداروں کو پیچھے چھوڑ دیا ہے۔ معروف تحقیقی ادارے جے ڈی پاور کی جانب سے بہترین معیاری گاڑیوں کی سالانہ درجہ بندی جاری کی گئی ہے جس سے ظاہر ہوتا ہے کہ کِیا موٹرز کی ہر 100 گاڑیوں میں صرف 83 مسائل کی نشاندہی ہوئی ہے۔ تحقیق سے یہ بھی اندازہ لگایا جاسکتا ہے کہ مجموعی طور پر گزشتہ سال کے مقابلے میں رواں سال کی گاڑیاں تیار کرنے والے ادارے معیارات میں بہتری پر توجہ مرکوز رکھے ہوئے ہیں۔اس تحقیق میں شامل 33 اداروں میں سے 21 اداروں کی گاڑیوں کے معیار میں قابل ذکر بہتری دیکھی گئی ہے۔

جے ڈی پاور کے امریکی نائب صدر جناب رینے اسٹیفنز نے اس بارے میں کہا ہے کہ ہماری تحقیق ثابت کرتی ہے کہ کار ساز ادارے اب اپنے صارفین کی خواہشات اور انہیں درپیش مسائل کو نہ صرف سن رہے ہیں بلکہ معیار میں بہتری کے لیے بھی کوششوں میں مصروف ہیں۔

یہ بھی پڑھیں: ٹویوٹا گاڑیوں کا “بیش قیمت برانڈ” قرار؛ بی ایم ڈبلیو کا دوسرے نمبر!

J.D. Best Quality Cars in the World Survey

گزشتہ سالوں کے دوران گاڑیوں میں جدید خصوصیات شامل تو کرلی گئیں تاہم ان کا معیار کافی گھٹا ہوا تھا۔ یہی وجہ ہے کہ کار ساز اداروں کی مجموعی ریٹنگ خاصی کم رہی تھی۔ سال 2016 میں یہ صورتحال جدید سافٹویئر کی آمد سے بہت بہتر ہوچکی ہے اور اب لوگ بھی گاڑیوں میں شامل کی جانے والی ٹیکنالوجی سے مانوس ہوچکے ہیں۔ اس کے علاوہ سال 2006 کے بعد یہ پہلا موقع ہے کہ جب کم قیمت گاڑیوں کے مقابلے میں پُرتعیش گاڑیوں میں زیادہ مسائل سامنے آئے ہیں۔

جے ڈی پاور کی تحقیق میں ہر ایک مسئلہ پر گاڑی کو ایک پوائنٹ دیا جاتا ہے جس کا مطلب یہ ہوا کہ جتنے کم پوائنٹس ہوں گے اتنی ہی اچھی گاڑی سمجھی جائے گی۔ تازہ تحقیق کے دوران ہر 100 گاڑیوں میں اوسطاً 105 مسائل کی نشاندہی کی گئی ہے جو گزشتہ سال سے کم ہے۔ علاوہ ازیں جے ڈی پاور کی تحقیق سے یہ بات بھی سامنے آئی ہے کہ گاڑیوں میں پرانے ماڈل کے مقابلے میں نئے ماڈل میں بہت کم مسائل موجود ہیں۔

تازہ ترین درجہ بندی میں کِیا موٹرز کے علاوہ جاپانی کار ساز ادارہ ٹویوٹا 93 پوائنٹس کے ساتھ چوتھے جبکہ ہونڈا 119 پوائنٹس کے ساتھ 23ویں درجے پر ہے۔ اس تحقیق سے تیار کی جانے والی مکمل درجہ بندی ذیل میں موجود ہے:

درجہ کار ساز ادارہ پوائنٹس
1 کِیا موٹرز 83
2 پورشے 84
3 ہیونڈائی 92
4 ٹویوٹا 93
5 بی ایم ڈبلیو 94
6 شیورلیٹ 95
7 بیوک 96
7 لیکسز 96
7 لنکولن 96
8 نسان 101
9 فورڈ 102
10 جی ایم سی 103
11 انفینیٹی 103
12 ووکس ویگن 104
13 آوڈی 110
14 مرسڈیز-بینز 111
15 کیڈلاک 112
16 جیپ 113
17 رام 114
18 کرائسلر 115
19 مٹسوبشی 116
20 ڈاج 117
21 سوبارو 118
22 ہونڈا 119
23 اکیورا 122
24 سائیون 123
25 جیگوار 127
25 مزدا 127
26 لینڈ روور 132
27 ولوو 152
28 فیات 174
29 اسمارٹ 216
Adan Ali

Adan is a Tribe Leader at Drive Tribe, who writes to share his passion for cars, culture and gadgetry through words. So far his writings and contributions have been able to make their way to media outlets like PakWheels and Dawn. Reach out to him by tweeting @adanali12

Top