کِیا نے گرینڈ کارنیول کی قیمت بڑھا دی


حال ہی میں کِیا موٹرز نے اپنی گرینڈ کارنیول کی قیمت میں تبدیلی کی ہے، جو اس نے رواں سال جون میں پاکستان میں پیش کی تھی۔ کِیا کی ایک ڈیلرشپ کے مطابق ادارے نے گاڑی کی قیمت میں اضافہ کیا ہے جس کا اسٹینڈرڈ ورژن 42.5 لاکھ روپے اور زیادہ خصوصیات رکھنے والا ورژن 51.5 لاکھ روپے تک پہنچ گیا ہے۔

کارنیول کے علاوہ ادارے نے کِیا فرنٹیئر کے دو ویریئنٹس کی قیمتیں بھی بڑھا دی ہیں، جو 2700cc کا ایک ٹَرک ہے۔ کِیا فرنٹیئر K2700 کے بنیادی ماڈل کی قیمت 20,49,000 روپے اور XL کی قیمت 20,99,000 روپے ہے۔

تیسری جنریشن کی کِیا گرینڈ کارنیول فرنٹ انجن اور فرنٹ ویل ڈرائیو MPV ہے جو 11 نشستوں کی گنجائش میں ہے۔ یہ گاڑی دنیا کے دیگر حصوں میں کِیا سیڈونا کے نام سے بھی جانی جاتی ہے۔ کِیا گرینڈ کارنیول پاکستان میں دو ویریئنٹس میں دستیاب ہے: LX اور EX۔

گاڑی 6-اسپیڈ آٹوٹرانسمیشن کے حامل 3.3 لیٹر DOHC کے 24-والو V6 انجن کے ساتھ آتی ہے جو 6,400 rpm پر 270 ہارس پاور اور 5,200 پر 318 Nm ٹارک پیدا کرتا ہے۔

گرینڈ کارنیول کا مکمل ریویو یہاں دیکھیں:

کِیا موٹرز کے علاوہ ٹویوٹا IMC اور ہونڈا اٹلس بھی اپنی گاڑیوں کی قیمت میں بڑا اضافہ کر چکے ہیں۔

مزید یہ کہ توقع ہے کہ کمپنی رواں سال کے آخر تک پاکستان میں کِیا رِیو انچ کرے گی، البتہ اس خبر کی ادارے کی جانب سے کوئی تصدیق نہیں کی گئی۔

مزید خبروں کے لیے آتے رہیے PakWheels.com پر۔


I am a visual communications artist, I use arts and visual content to tell automotive stories to people.

Top