فرینکفرٹ موٹر شو میں کیا اسپورٹیج 2016ء متعارف

img_3845_0

جنوبی کوریا کے سرِفرست کار ساز اداروں میں سے ایک کیا موٹرز نے فرینکفرٹ موٹر شو میں کیا اسپورٹیج 2016ء متعارف کروادی ہے۔ یہ کیا اسپورٹیج کی چوتھی جنریشن ہے جس کا عوام الناس میں شدت سے انتظار کیا جا رہا تھا۔ گاڑیوں کے شعبے میں بڑھتی ہوئی مسابقت اور صارفین کی پسند کو مدنظر رکھتے ہوئے کیا نے اسپورٹیج 2016ء کو بالکل نئے انداز سے ڈیزائن کیا ہے جسے خود اس کے خالقین “بولڈ اور پروگریسو” کہہ رہے ہیں۔

آگے کی جانب نظر ڈالیں تو یہاں آپ کو لائٹس کا نیا انداز نظر آئے گا جس کے ذیل میں ایل ای ڈی لائٹس اور اطراف میں گرل کے ساتھ انڈیکیٹر بھی موجود ہے۔ پیچھے کی طرف نظر ڈالیں تو بہت ہی خوبصورت لائٹس نظر آئیں گی جو جاگوار F-Pace سے ملتی جلتی ہیں۔ اس میں 18 انچ کے پہیوں کے علاوہ دہرے ایگزاسٹ بھی شامل ہیں۔

اسپورٹیج 2016ء کو یورپی مارکیٹ کے لیے تین انجن کے ساتھ پیش کیا جائے گا جن میں 1200 سی سی ٹربو، 1600 سی سی این اے اور 1600 سی سی ٹربو علاوہ تین مختلف ڈیزل انجن بھی شامل ہیں۔ شمالی امریکا کے لیے یہ صرف چار سلینڈر 16 سی سی ٹربو چارڈ انجن کے ساتھ دستیاب ہوگی۔ اس کے نئے انجن میں single-scroll ٹربو چارجر اور غیر ضروری بجلی ضائع ہونے سے بچانے کے نظام کی سہولیات شامل ہیں۔

گاڑی کے اندر آپ کو 8 انچ کا تفریحی و معلوماتی نظام (infotainment system)، برقی پارکنگ براک، سوپرکارز میں استعمال ہونے والے اسٹیرئنگ ویل کے ساتھ ساتھ لاسلکی فون چارجنگ ودیگر حفاظتی سہولیات شامل ہیں جو دور حاضر کی کسی بھی جدید گاڑی کا خاصہ ہیں۔

کیا موٹرز کا کہنا ہے کہ اسپورٹیج 2016ء آئندہ سال یورپ اور شمالی امریکا کی مارکیٹ میں فروخت کے لیے دستیاب ہوگی۔

  • Pervez Iqbal

    Can any one tell me when KIA is again launching in Pakistan? ???

Top