کیا اسپورٹیج 2016 کی تصاویر

all-new-kia-sportage-3

کیا اسپورٹیج کی چوتھی جنریشن پچھلے ہفتے فرینکفرٹ موٹر شو میں پیش کی گئی۔ وہاں موجودہ حاضرین نے تو نئی کیا اسپورٹیج 2016ء کو براہ راست دیکھا اور خوب داد دی۔ جو لوگ وہاں موجود نہ تھے ان کے لیے کیا موٹرز نے اس گاڑی کی خوبصورتی کو مزید بیان کرنے کے لیے تصاویر شایع کی ہیں جو ہم آپ کی خدمت میں پیش کر رہے ہیں۔

جنوبی کوریا سے تعلق رکھنے والے ادارے کیا موٹرز کی اسپورٹیج پاکستان میں کافی مقبول رہی ہے تاہم ادارہ اس کے ثمرات سمیٹنے میں ناکام رہا ہے۔ مانا کہ کیا موٹرز اور ہونڈائی جیسے بڑے اداروں کی پاکستان سے روانگی کی تلخ وجوہات ہیں لیکن حقیقت میں یہ ہمارے لیے بہت دکھ کی بات ہے۔ اس کی وجہ یہ نہیں کہ ہمارے پاس گاڑیوں میں انتخاب کے زیادہ مواقع نہیں، بلکہ افسوس ان گاڑیوں کی عدم دستیابی کا ہوتا ہے جنہیں پاکستان میں بہت زیادہ پسند کیا جا رہا تھا۔

اسپورٹیج 2016ء کو یورپین ڈیزائن اسٹوڈیو نے ایک نئی شکل دی ہے۔ یہ اسٹوڈیو کیا موٹرز کی جانب سے فرینکفرٹ، جرمنی ہی میں بنایا گیا ہے۔

ہم امید کرتے ہیں کہ کیا موٹرز اور ہونڈائی جیسے بڑے کارساز ادارے پاکستان میں ایک بار پھر واپس آئیں گے اور ہم ان کی گاڑیاں براہ راست ادارے سے خرید سکیں گے۔ اس کے علاوہ گاڑیاں تیار کرنے والی ان کمپنیوں کو بھی ملک میں دیکھنے کے خواہش مند ہیں جنہوں نے پچھلے کچھ عرصے میں یہاں کی مارکیٹ میں دلچسپی کا اظہار کیا تھا۔

Top