پی ایس ایل کے دوران لاہور کے لیے ٹریفک پلان

psl-lahore-traffic

پاکستان سپر لیگ کا تیسرا ایڈیشن اپنے اختتامی مراحل میں ہے اور دو مقابلوں کے لاہور اور فائنل کے کراچی میں انعقاد کے ساتھ جوش بھی اپنے عروج پر ہے۔ ان مقابلوں کے لیے جوش و خروش اپنی جگہ لیکن عوام میں اضطراب بھی پایا جاتا ہے جس کی وجہ یہ ہے کہ اس دوران مختلف راستوں کو بند کردیا جائے گا۔ اس لیے لاہور میں پی ایس ایل میچز کے دوران عوام کو سکھ کا سانس فراہم کرنے کے لیے ٹریفک پلان پیش کیا گیا ہے۔ یہ مقابلے 20 اور 21 مارچ 2018ء کو ہوں گے۔

حکام کی جانب سے وضع کیے گئے ٹریفک پلان کے مطابق ایم ایم عالم روڈ، کینال روڈ، وحدت روڈ اور جیل روڈ عوام کے لیے کھلے رہیں گے؛ البتہ قذافی اسٹیڈیم کو جانے والے ملحقہ راستے تمام قسم کے ٹریفک کے لیے بند رہیں گے، اس لیے عوام اپنی منزل تک پہنچنے کے لیے متبادل راستے استعمال کر سکتے ہیں۔

Lahore traffic PSL

متبادل راستے

مسافر وحدت روڈ کے ذریعے سفر کرکے فیروزپور روڈ استعمال کر سکتے ہیں۔ مزید برآں، روزمرہ سفر کرنے والے فردوس مارکیٹ سے کلمہ چوک اور برکت مارکیٹ بذریعہ سینٹر پوائنٹ نقل و حرکت کر سکتے ہیں۔ اس کے علاوہ فوارہ چوک نمبر 1 سے آنے والے افراد جیل روڈ کی طرف سے قرطبہ چوک وغیرہ جا سکتے ہیں۔

حکام نے میچز دیکھنے کے لیے آنے والے افراد کے لیے مختلف پارکنگ ایریاز مقرر کردیے ہیں، جو یہ ہیں:

  • جام شیریں پارکنگ ایریا
  • لبرٹی پارکنگ ایریا
  • LDA پارکنگ ایریا

Lahore traffic PSL (1)

دورانِ سفر کسی بھی تکلیف سے بچنے کے لیے سڑک پر نکلنے سے پہلے 15 پر حکام سے رابطہ کریں۔


My name is M. Ali Laghari and I love to read and write about Cars.

Top