ہونڈا CR-Z خریدنے کا آخری موقع؛ بُک کروانے کی حتمی تاریخ 31 جولائی!

featured-cr-z

ہونڈا کے منفرد انداز کی حامل ہائبرڈ اسپورٹس کار ہونڈا CR-Z اپنے منطقی انجام کو پہنچ رہی ہے۔ ہونڈا نے سال 2010 میں متعارف کروائی جانے والی اس نسبتاً کم قیمت ہائبرڈ کی تیاری بند کرنے کا اعلان کیا ہے۔ اپنے انتہائی جذباتی انداز، زبردست تشہیری مہم اور دنیا کے بیشتر ممالک میں دستیابی کے باوجود ہونڈا CR-Z اتنی شہرت نہیں مل سکی کہ جتنی اس کی دیگر ہم پلہ گاڑیوں کو حاصل ہوئی۔

photo_2016-07-27_16-35-33

ہونڈا سوک کی باضابطہ رونمائی کے بعد اب ہونڈا ایٹلس نے بھی ہونڈا CR-Z سے متعلق اہم اعلان کردیا ہے۔ ہونڈا ایٹلس کے مطابق پاکستان میں 31 جولائی 2016 تک ہونڈا CR-Z بُک کی جائے گی۔ پاکستان میں جاپان سے درآمد شدہ ہونڈا CR-Z کی قیمت صرف 25 لاکھ روپے ہے۔ جبکہ ہونڈا ایٹلس کی جانب سے پیش کی جانے والی نئی CR-Z کی قیمت 10 لاکھ روپے زیادہ یعنی 35 لاکھ روپے ہے۔ جاپانی CR-Z قیمت میں کم اور اضافی خصوصیات کی حامل ہونے کی وجہ سے لوگوں کی ترجیح رہی۔ اور یہی وجہ ہے کہ اب ہونڈا ایٹلس نے بھی اس گاڑی سے اپنی امیدیں ختم کر دی ہیں۔

2014-03-06-17.17.02

ہونڈا CR-Z ہمارے یہاں گاڑیوں کے شعبے کی ٹھیک منظر کشی بھی کرتی ہے۔ ہیونڈائی کوپے کی رخصتی کے بعد یہ واحد اسپورٹس کار ہے کہ جو کوئی ادارہ نئی حالت میں براہ راست فروخت کر رہا ہے۔ ہونڈا ایٹلس (Honda) کی جانب سے CR-Z کی پیش کش سے ایک امید ظاہر ہوتی ہے کہ ایک نہ ایک روز ہم بھی روایتی ہیچ بیکس اور سیڈان گاڑیوں سے نکل کر CR-Z جیسی غیر روایتی اسپورٹس کار حاصل کرسکیں گے۔ دلچسپ بات یہ ہے کہ ہونڈا ایٹلس نے صرف اپنی ہی فروخت کردہ CR-Z کو بعد از فروخت خدمات فراہم نہیں کیں بلکہ جاپان سے درآمد کی جانے والی CR-Z رکھنے والوں کی بھی ہر ممکن مدد کی۔ اب جبکہ ہونڈا پاکستان CR-Z کو یہاں سے رخصت کر رہا ہے تو درآمد شدہ گاڑیوں کا مستقبل بھی مشکوک ہوگیا ہے۔

Capture

آئندہ ماہ کی پہلی تاریخ کو ہونڈا CR-Z کی پاکستان سے باضابطہ رخصتی کے بعد یہ اسپورٹس کار صرف انڈونیشیا، فلپائن اور امریکا ہی میں دستیاب ہوگی۔ یوں پاکستان میں جدید برق رفتاری کے شوقین افراد کے لیے صرف ہونڈا سوک 1.5 ٹربو ہی رہ جائے گی کہ جس پر وہ اپنا شوق کسی حد تک پورا کرسکتے ہیں۔ یاد رہے کہ ہونڈا سِوک 1.5 ٹربو کا انجن 173 ہارس پاور فراہم کرتا ہے جو ہونڈا CR-Z سے 37 ہارس پاور زیادہ ہے۔

Adan Ali

Adan is a Tribe Leader at Drive Tribe, who writes to share his passion for cars, culture and gadgetry through words. So far his writings and contributions have been able to make their way to media outlets like PakWheels and Dawn. Reach out to him by tweeting @adanali12

Top