لیکسز کی جانب سے گتوں سے بنائی گئی اوریگامی گاڑی

Cardboard-Origami-Car_Lexus_dezeen_1568_0

لیکسز آج کل نت نئے کارنامے کرنے کے موڈ میں ہے۔ کچھ عرصے قبل انہوں نے اڑنے والا ہوور بورڈ (hoverboard) بنایا تھا جو مقناطیسی قوت کی مدد سے ہوور بورڈ کو ہوا میں معلق رکھتا ہے۔ اور اب لیکسز نے ایک حقیقی اور چلنے پھرنے والی گاڑی پیش کی ہے جو “گتے “سے بنائی گئی ہے۔

پرتعیش گاڑی بنانے والے ادارہ اپنی ہر گاڑی کو کاریگری کا شاہکار ثابت کرنا چاہتا ہے اور اسی لیے انہوں نے اپنے کارخانے کا نام “ٹاکومی” رکھا ہے۔ اس جاپانی لفظ کا اردو ترجمہ “کاری گر” بنتا ہے۔ اوریگامی دراصل لیکسز کی IS کی ہم شکل ہے اور اس کی تیاری میں 1700 اشکال کے گتوں کے تختے استعمال کیے گئے ہیں۔ IS سلون کا تھری ڈی ماڈل لندن میں قائم اسٹوڈیو لیزرکٹ ورکس اور سکیلز اور ماڈلز نے فراہم کیے اور اس میں انہیں 3 ماہ کا طویل عرصہ لگا۔ اس گاڑی میں استعمال ہونے گتوں کے تمام تختے لکڑی جوڑنے والی گوند کی مدد سے ہاتھ سے لگائے گئے ہیں۔

اس گاڑی میں وہ تمام چیزیں شامل ہیں جو آپ کو ایک عام گاڑی میں ملتی ہیں۔ ویسی ہی نشستیں، دروازے، اگلی اور پچھلی جانب لائٹس، گھومنے والے پہیے جنہیں فولاد اور ایلمونیم کے فریم کی مدد سے برقی موٹر سے جوڑا گیا ہے۔ گتوں سے تیارہ ہونے والی اوریگامی گاڑی گرینڈ ڈیزائن لائیو پروگرام میں دکھائی جائے گی جو نیشنل ایگزبیشن سینٹر (NEC)، برمنگھم، برطانیہ میں 8 تا 11 اکتوبر جاری رہے گا۔

Top