لاہور ہائی کورٹ کا پنجاب حکومت سے گاڑیوں کے لیے 129.414 ملین دینے کا مطالبہ


ڈان کے مطابق لاہور ہائی کورٹ نے 46 برانڈ نیو ہونڈا سوک (1800cc) اوریئل CVT کاریں خریدنے کے لیے صوبائی حکومت سے 129 ملین روپے دینے کی درخواست ہے۔

Honda_Civic_2018_

یہ درخواست مالی سال 2018-19ء کے دوران 129.414 ملین روپے کی اضافی گرانٹ فراہم کرنے کے لیے عدالت کے رجسٹرار دفتر کی جانب سے حکومت پنجاب کے لیے تیار کی گئی ہے۔ دفتر نے ان گاڑیوں کے ساتھ ساتھ رجسٹریشن کے پورے عمل کی کل رقم کچھ یوں پیپش کی ہے:

46 کاریں: کل رقم 125.488 ملین پاکستانی روپے

گاڑیوں کی رجسٹریشن: 3.926 ملین پاکستانی روپے

واضح رہے کہ محکمۂ خزانہ حکومت پنجاب اور پنجاب کابینہ کی منظوری کے بغیر یہ فنڈز جاری نہیں کیے جا سکتے، اس لیے ان دو اتھارٹیز سے منظوری کے بعد ہی فنڈز جاری ہوں گے۔

لاہور ہائی کورٹ کی جانب سے نئی گاڑیوں کے لیے فنڈز کی طلبی سے ہٹ کر دیکھیں تو وزیر اعظم نے 17  ستمبر 2018ء کو وزیر اعظم ہاؤس، اسلام آباد میں لگژری گاڑیوں کی نیلامی کا بھی اعلان کر رکھا ہے۔ ان انتہائی لگژری گاڑیوں میں مرسڈیز بینز S-300، مے بیک S-600، بی ایم ڈبلیو 7-سیریز، بی ایم ڈبلیو ایکس-سیریز وغیرہ شامل ہیں۔

وزیر اعظم ہاؤس کی جانب سے جاری کردہ تازہ ترین فہرست کچھ یوں ہے:

auction-paper

13 سے 14 ستمبر 2018ء کے دوران دفتری اوقات میں ان گاڑیوں تک رسائی حاصل کی جا سکتی ہے۔

تازہ ترین خبروں کے لیے PakWheels.com پر آتے رہیے۔


Top