ویڈیو: ڈرائیور اپنی گاڑی آٹو پائلٹ پر منتقل کر کے سو گیا


برقی گاڑیوں کے میدان میں ٹیسلا کی جانب سے یک بعد دیگرے کارناموں نے امریکی ادارے کا وہ چہرہ چھپا دیا ہے جس کے لیے یہ ماضی میں اچھی خاصی شہرت رکھتا تھا۔ جی ہاں ہم بات کررہے ہیں ٹیسلا کے “آٹو پائلٹ” نظام کی جسے ڈرائیور کی سہولت کے لیے تیار گیا ہے۔ اس نظام کے ذریعے طویل سفر کرنے والے ڈرائیور صاحبان اپنی گاڑی کو خودکار سفر کی اجازت دے کر تھوڑا آرام کرسکتے ہیں۔

ٹیسلا نے یہ نظام اکتوبر 2014 میں اپنی دو گاڑیوں ماڈل S اور ماڈل X میں متعارف کروایا تھا۔ اس کے بعد انٹرنیٹ پر ایسی بے تحاشہ ویڈیوز نظر آنے لگیں جن میں ڈرائیور نے گاڑی کا اسٹیئرنگ چھوڑ کر اسے آٹو پائلٹ نظام پر منتقل کردیا اور گاڑی ازخود بغیر کوئی غلطی کیے سفر کرتی رہی۔ گو کہ ٹیسلا نے اس نظام کو “تعارفی ورژن” کے طور پر پیش کیا تھا (جس پر مزید بہتری کے لیے کام بھی جاری ہے) لیکن دنیا بھر سے آنے والے مثبت تبصروں نے اس نظام کی درستگی اور کامیابی کے حق میں گواہی دے دی ہے۔

یہ بھی پڑھیں: پاکستان میں برقی گاڑیوں کا مستقبل؛ ٹیسلا ماڈل 3 وِزل اور پرایوس کو مات دے سکتی ہے!

tesla-autopilot-miles-driven-1

ٹیسلا آٹوپائلٹ پروگرام کے سربراہ نے EmTech ڈیجیٹل کانفرنس میں ایک ایسے ڈرائیور کے متعلق بتایا جس نے گاڑی کو آٹو پائلٹ پر منتقل کر کے 100 میل تک سفر کیا۔ ٹیسلا کا کہنا ہے کہ وہ اس طویل سفر کا تمام تر ڈیٹا حاصل کر کے اپنے آٹو پائلٹ نظام میں ممکنہ مسائل کی نشاندہی اور بہتری کے لیے استعمال کرے گا۔ البتہ انہوں نے یہ بات بھی دہرائی کہ فی الوقت ٹیسلا کا یہ نظام جزوی خود مختار ہے اور اسے کئی مواقع پر ڈرائیور کی ضرورت پڑ سکتی ہے۔

ذیل میں آپ اس ڈرائیور کی ویڈیو ملاحظہ کرسکتے ہیں جو اپنی ٹیسلا ماڈل S کو آٹو پائلٹ پر منتقل کر کے مزے سے سوگیا۔


Google App Store App Store
Adan Ali

Adan is a Rising Journalism Sophomore at Northwestern University, with an inclination towards non-political investigative journalism and advertising. He is currently serving as a Research Assistant for the Arab World’s first media museum, The Media Majlis and an Admissions Diplomat at NU-Q. Adan comes with an experience of almost three years in the field of media creation, alongside Dawn, Parhlo, PakWheels, and The Daily Q occupying the roles of an Intern, Guest Writer, and Staff Reporter. Formerly, Adan has served as a Founder and CEO of The Nixor Times, a media and advertising company, besides which, he has offered his services as a Member of Board at Nixor Corporate. He tweets @adanali12 and runs a channel on YouTube.

Top