ٹوکیو موٹر شو میں مزدا نئی اسپورٹس کار پیش کرے گا

Mazda-Sports-Car-Concept-teaser

مزدا ماضی میں چند مثالی اسپورٹس کار پیش کر چکا ہے۔ مزدا RX-7، مزدا RX-8 (جس کی تیاری 2012 میں ختم کی گئی) اور مشہور زمانہ مزدا MX-5 / میاتا اب بھی پاکستان سمیت دنیا بھر میں اپنا مقام رکھتی ہے۔ مزدا نے اپنی نئی برانڈ MX-5 پیش کر کے بھی زبردس پزیرائی حاصل کی۔ اور اب 44 ویں ٹوکیو موٹر شو میں مزدا ایک نئی اسپورٹس کار پیش کرنے جا رہا ہے۔

مزدا نے اس نئی گاڑی کی ہلکی سی جھلک دکھانے کے لیے چند تصاویر جاری کی ہیں جسے دیکھ کر انداز لگایا جاسکتا ہے کہ یہ مزداکی اسپورٹس کار بالخصوص AMG GTS کے انداز ہی میں بنائی گئی ہے۔اس کے اگلے حصے اور چمکتی ہوئی چھت دیکھ کر کوئی بھی شخص مکمل گاڑی دیکھنے کے لیے پر جوش ہوسکتا ہے۔ دو دروازوں والی یہ اسپورٹس کار 28 اکتوبر کو دنیا کے سامنے پیش کی جائے گی۔ مزدا کا کہنا ہے کہ وہ اس گاڑی کے ذریعے اسپورٹس کار کے زمرے میں ادارے کی ساکھ کو مزید مستحکم کرسکیں گے۔

امکان ہے کہ مزدا کی یہ نئی اسپورٹس کار ، جسے RX-9 کا نام دیا جاسکتا ہے، روٹری انجن کی حامل ہوگی اور اس سے 1967 مزدا کاسمو اسپورٹس 110S میں پہلی بار استعمال ہونے والے روٹری انجن کو نئی زندگی ملے گی۔ ہم شدت سے منتظر ہے کہ ٹوکیو موٹر شو جلد شروع ہو اور ہمیں ایک سے بڑھ ایک گاڑیاں اور ان کے تصورات سے متعلق مزید معلومات حاصل ہوسکیں۔

Top