پاکستان میں SUVs کی طلب میں اضافہ

Toyota_Fortuner_2017_(3)

گاڑیاں بنانے والے نئے اداروں کی پاکستان میں آمد کے ساتھ ہی رحجانات بھی لازماً تبدیل ہوں گے۔ ہمارے تجزیے کے مطابق PakWheels.com پر سرچ کے تازہ ترین رحجانات نے لوگوں کی پسند میں آنے والی تبدیلی کو ظاہر کیا ہے۔

جیسا کہ انفوگرافکس میں دیکھاجا سکتا ہے کہ مئی 2018ء میں سرچ کے نتائج کے مقابلے میں سب سے زیادہ ترجیحی گاڑیوں کی تلاش میں تیزی سے کمی آئی ہے۔ یہ فوری کمی رمضان کی وجہ سے ہو سکتی ہے، کیونکہ اس مہینے میں کام کی رفتار کچھ سست ہو جاتی ہے، جس کا نتیجہ مجموعی فروخت میں کمی کی صورت میں نکلتا ہے۔

مزید برآں، جون میں سرچ کے رحجانات کے بعد ایسا لگتا ہے کہ SUVs گزشتہ ماہ کے مقابلے میں عوام میں زیادہ مقبول ہو رہی ہیں۔ بڑی گاڑیوں کے زمرے میں ہونڈا BR-V، ٹویوٹا لینڈ کروزر پراڈو اور ٹویوٹا فورچیونر PakWheels.com پر سب سے زیادہ سرچ کی جانے والی گاڑیاں تھیں۔

Search trend june pakwheel

PakWheels.com پر استعمال شدہ گاڑیوں کے سیکشن میں ہونڈا BR-V کے 141، ٹویوٹا لینڈ کروزر پراڈو کے 1207 اور ٹویوٹا فورچیونر کے 171 یونٹس موجود ہیں۔

Toyota_Fortuner_2017_(3)

Honda_BRV_2017(78)

مزید پڑھیں: جون’18 میں موٹر سائیکلوں کی فروخت میں 26 فیصد سال بہ سال اضافہ

1000 سے 1300cc کیٹیگری میں ٹویوٹا وٹز سب سے زیادہ سرچ کی گئی کار تھی جبکہ ویب سائٹ پر وٹز کے 1783 یونٹس موجود ہیں۔ آگے بڑھیں تو 1500cc کے زمرے میں حال ہی میں ٹویوٹا ایکوا اپنی ایندھن مؤثریت اور مسابقتی خصوصیات کی وجہ سے کئی صارفین کی توجہ احصل کرچکی ہے۔ PakWheels.com پر ایکوا کے 1125 یونٹس موجود ہیں۔

Toyota_Vitz

جہاں تک موٹر سائیکلوں کا تعلق ہے تو ہونڈا CG-125 – پاکستان کی سدا بہار موٹر سائیکل – جون میں بھی سب سے زیادہ سرچ کی گئی موٹر سائیکل کے طور پر برقرار رہی۔ مزید برآں یاماہا YZF R1 اور R6 ہیوی موٹر سائیکلوں میں PakWheels.com پر سب سے زیادہ سرچ کی جانے والی موٹر سائیکلیں رہیں۔

yamaha-yzf-r6-2011-23115670

جون کے سرچ رحجانات کا تجزیہ کرتے ہوئے کہا جا سکتا ہے کہ آئندہ مہینوں میں ترجیحات میں بڑی تبدیلی ہونے جا رہے، کیونکہ ہائبرڈز اور SUVs عوام میں تیزی سے مقبولیت حاصل کر رہی ہیں۔

ہم نے حال ہی میں جاری ہونے والی کِیا کی گرینڈ کارنیول میں عوام کی زبردست دلچسپی بھی دیکھی اور کئی افراد نے کِیا ریو اور کِیا اسپورٹیج کو بھی سرچ کیا، جس کے اجراء کی تاریخ ابھی تک کِیا موٹرز نے جاری ہی نہیں کی۔ اس کا مطلب ہے کہ گاڑیاں بنانے والے مقامی اداروں کی جانب سے رسد کی کمی اور صارفین کی جانب سے بڑھتی ہوئی طلب کی وجہ سے پاکستانی نئے اداروں کی پیشکش میں زبردست دلچسپی دکھا رہے ہیں۔

اب اگر آپ زبردست گاڑیوں اور موٹر سائیکلوں کی ڈیلز دیکھنے جا رہے ہیں تو PakWheels.com پر جائیں


Top