پنجاب میں موٹر بائیک ایمبولینس سروس کا آغاز کر دیا گیا

rescue-1122-motorbike-service

اطلاعات کے مطابق، پنجاب کے بڑے شہروں میں عوام کو تیز اور مؤثر ایمرجنسی سروس فراہم کرنے کے لیے موٹر بائیک ایمبولینس سروس کا آغاز کردیا گیا۔

پنجاب کے تمام بڑے شہروں کی تنگ گلیاں اور مصروف سڑکیں مریضوں کو ایمرجنسی امداد کی فراہمی میں تاخیر کا باعث بنتی تھیں۔ اس وجہ سے حکومت پنجاب نے لاہور، راولپنڈی، ملتان، گوجرانوالہ، فیصل آباد، بھکر، ڈیرہ غازی خان، سرگودھا اور ساہیوال میں تیز موٹر بائیک ایمرجنسی سروس متعارف کروا دی ہے۔

جہاں تک وسائل کی تقسیم کا تعلق ہے، 300 موٹر بائیکس لاہور، 100 ڈویژنل ہیڈ کوارٹرز اور 50 بہاولپور، ڈیرہ غازی خان اور سرگودھا کے لیے مختص کی گئی ہیں۔

وزیراعلی پنجاب نے یہ بھی انکشاف کیا کہ 900 طبی ماہرین کو مریضوں کو ایمرجنسی کی صورتحال میں امداد فراہم کرنے کے لیے تعینات کیا گیا ہے۔

Top