نئی سوزوکی GS150 کی آمد 6 ماہ میں متوقع؛ قیمت میں بھی اضافے کا امکان

All New Pak Suzuki GS150

پاکستان میں گاڑیوں اور موٹرسائیکل کے شعبے میں کوئی سرگرمی ہو اور پاک ویلز کو علم نہ ہو؟ ایسا تو ممکن ہی نہیں۔ بات چاہے نئی ہونڈا سِوک 2016 کی پاکستان آمد سے متعلق ہو یا پھر کسی اور گاڑی یا موٹر سائیکل کی، پاک ویلز نے اپنے قارئین کو بروقت اور معتبر معلومات فراہم کرنے کی کوشش کی ہے۔ اسی سلسلے کو جاری رکھتے ہوئے آج ہم آپ کو نئی سوزوکی GS150 سے متعلق بتانے جا رہے ہیں جس کی خفیہ تصاویر رواں سال کے آغاز میں پاک ویلز فورم کے ذریعے آپ تک پہنچی تھیں تاہم نامعلوم وجوہات کی بنا پر پاک ویلز فورم کے رکن نے ان تصاویر کو چند ہی دنوں بعد حذف کردیا تھا۔

اب ہمیں اپنے ذرائع سے نئی سوزوکی GS150 کے بارے میں تفصیلات موصول ہوئیں ہیں جس کے مطابق یہ موجودہ سوزوکی GS150 ہی کا نیا انداز (face-lift) ہوگا۔ ہمیں موصول ہونے والی تصاویرسے ظاہرہوتا ہے کہ اس مہنگی ترین موٹر سائیکل کے نئے انداز میں معمولی تبدیلیاں کی گئی ہیں ۔ ان میں سے چند متوقع تبدیلیاں اور اضافے درج ذیل ہیں:

1) ڈسک بریکس
2) ستارے کی طرز پربنائے گئے نئے الائے رمز
3) نئے اسٹیکرز
4) اگلی لائٹس کا نیا ڈیزائن
5) نیا قدرے اسپورٹی مفلر
6) اگلے شاکس کوور (YBR 125G کی طرز پر)
7) انسٹرومنٹ پینل پر گیئر شفٹ انڈیکیٹر
8) ڈیجیٹل میٹر

یہ بھی پڑھیں: پاک ویلز کے ذریعے موٹر بائیکس کی خرید و فروخت اور بھی آسان!

ہمارے ذرائع کے مطابق سوزوکی GS150 کے نئے انداز کو آئندہ 6 ماہ کے اندر پیش کردیا جائے گا۔ نئی 2017 سوزوکی GS150 کی قیمت کم و بیش ڈیڑھ لاکھ روپے ہوسکتی ہے۔ یاد رہے کہ فی الوقت دستیاب سوزوکی GS150کی موجودہ قیمت 1,33,500 روپے ہے۔ کیا سوزوکی GS150 کی قیمت میں اضافہ غیر ضروری نہیں؟ اس بارے میں ہمیں اپنی رائے سے ضرور آگاہ کریں!

سوزوکی GS150 کا موجودہ ماڈل

Adan Ali

Adan is a Tribe Leader at Drive Tribe, who writes to share his passion for cars, culture and gadgetry through words. So far his writings and contributions have been able to make their way to media outlets like PakWheels and Dawn. Reach out to him by tweeting @adanali12

  • waqas

    suzuki 150 new model is seems good because of some little changes.
    current model is 1,33,000. so new model price should be maximum 1,35,000. there is not a big change.

  • Absar Mustansar

    New price of Suzuki GS 150 is 1,58,500…………Shocking Price$$$$$$…..

Top