نئی ٹویوٹا پریوس 2016ء کا اجرا

toyota-prius-unveil-011

بالآخر نئی ٹویوٹا پریوس 2016ء سامنے آ ہی گئی۔ اب سے کچھ گھنٹوں قبل ٹویوٹا نے اسے باضابطہ طور پر جاری کیا ہے۔ جس گاڑی کو خود اس کے خالق ‘فَن پریوس (fun Prius)’ کا نام دے رہے ہیں تو اب ہم اس سے زیادہ مزاحیہ اور کیا نام دے سکتے ہیں۔ گو کہ خفیہ تصاویر سامنے آنے کے بعد اس کا عجیب ڈیزائن متوقع تھا، لیکن اس کے باضابطہ اجرا کے بعد تو بہت سے لوگوں نے منہ پھیر لیا ہوگا اور اس کی بڑی وجہ آگے اور پیچھے موجود بھدی لائٹس ہی ہوں گی۔

ٹویٹا پریوس کی چوتھی جنریشن کو آج لاس ویگاس میں رات گئے پیش کیا گیا۔ اس موقع پر بین الاقوامی میڈیا موجود تھا جس کے سامنے سرخ رنگ کی پریوس کو چھت سے زمین پر اتارا گیا اور پھر چلا کر گھومنے والے پلیٹ فارم پر لایا گیا۔ ٹویوٹا کے مطابق یہ گاڑی نہ صرف ایندھن کی بچت سے فی میل 10 فیصد بہتر کارکردگی دکھائے گی بلکہ گاڑیوں کو دوڑانے کے تجربے کو بھی مزید دلچسپ بنائے گی۔

ٹویوٹا پریوس 2016ء کی بنیاد ٹویوٹا کا نیا عالمی ڈھانچہ ہے جسے Toyota’s New Global Architecture کا نام دیا گیا ہے۔ اس گاڑی میں 1800 سی سی ہائبرڈ سے مطابقت والا انجن شامل ہے جو گزشتہ ماڈل کے مقابلے میں 15 درجے زیادہ یعنی 150 ہارس پاور تک کی رفتار دیتا ہے۔

ہم اس بارے میں آپ کو باخبر کرتے رہے ہیں اور آئندہ بھی کرتے رہیں گے۔ فی الحال آپ ٹویوٹا پریوس کے اجرا کی تصاویر ملاحظہ کریں جو ہم theverge.com سے پیش کر رہے ہیں:

Top