این ایچ اے گاڑیوں کی نیلامی کل اسلام آباد میں شروع

NHA

25 ستمبر 2018ء سینیٹ کی قائمہ کمیٹی برائے مواصلات کے ایک اجلاس کے دوران وزیر مواصلات مراد سعید نے نیشنل ہائی وے اتھارٹی (NHA) کی 219 گاڑیوں کی نیلامی کا اعلان کیا تھا۔ اتھارٹیزنیلامیوں کے لیے مختلف مقامات ترتیب دیں گی جو مختلف تاریخوں پر ہوں گی۔

پہلی نیلامی کل اسلام آباد کے G-10/4 فٹ بال گراؤنڈ میں ہونے جا رہی ہے یعنی 16 اکتوبر 2018ء کو صبح 11 بجے سے۔ وزير مواصلات مراد سعید اس نیلامی میں موجود ہوں گے۔

کل نیلامی کے لیے کل 76 گاڑیاں پیش کی جائیں گی، جن کی فہرست یہ ہے:

NHA auction

یہ فیصلہ NHA کی بہتری کے لیے کیا گیا تھا۔ مراد سعید کے بیان کے مطابق وہ ٹول پلازے جو ریونیو دیتے ہیں لیز پر دے دیے گئے جبکہ وہ جن سے آمدنی نہیں آتی اتھارٹی کے پاس ہیں اور انہوں نے مزید کہا کہ ٹول پلازوں کی لیز پر دوبارہ غور کیا جانا چاہیے۔

نیلامی میں شرکاء کو 25,000 روپے کا پے آرڈر کمپیوٹرائزڈ شناختی کارڈ کی نقل کے ساتھ بطور ٹوکن جمع کروانا ہوگا۔ سب سے بڑی بولی لگانے والے کو بولی کی رقم کا 25 فیصد موقع پر ادا کرنا ہوگا، بصورت دیگر اس کی بولی مسترد کردی جائے گی اور ٹوکن بھی واپس نہیں کیا جائے گا۔ بقیہ رقم اگلے 10 روز میں ادا کی جا سکتی ہے۔

اس فیصلے کو سراہتے ہوئے پاکستان پیپلز پارٹی کے سینیٹر مولا بخش چانڈیو نے کہا کہ پاکستان میں بہتری لانی کے لیے حکومت کی جانب سے املاک کی نیلامی ضروری ہے۔ مزید برآں مقامات اور تاریخوں کی مکمل فہرست نیشنل ہائی وے اتھارٹی کی ویب سائٹ پر دستیاب ہے، اور عوام گاڑیوں کے معائنے کے لیے نیلامی کی تاریخ سے قبل ان مقامات کا دورہ کر سکتے ہیں۔

مزید خبروں اور تفصیلات کے لیے PakWheels.com پر آتے رہیے۔


I am a visual communications artist, I use arts and visual content to tell automotive stories to people.

Top