نسان پاکستان میں ڈاٹسن گاڑیوں کی پیداوار شروع کرے گا


نسان موٹر کمپنی لمیٹڈ آٹوموٹو شراکت دار گندھارا نسان لمیٹڈ کے ساتھ مینوفیکچرنگ اور لائسنسنگ معاہدے کے ذریعے پاکستانی مارکیٹ میں داخل ہو رہا ہے تاکہ ڈاٹسن ماڈلز کی مقامی پیداوار کر سکے۔

معاہدہ تقسیم کاری کا بھی احاطہ کرتا ہے، جو اسے ایک ایسی مارکیٹ تک رسائی فراہم کر رہا ہے جہاں نئی گاڑیوں کی طلب روزانہ 200,000 یونٹس سے زیادہ تک پہنچ چکی ہے۔

Nissan Pic Release_eng

Nissan Datsun PR PakWheels (3)

پیمان کارگر،سینئر نائب صدر نسان موٹر کمپنی لمیٹڈ (درمیان) پاکستان میں ڈاٹسن ماڈلز کی مقامی پیداوار کے آغاز کے لیے احمد قلی خان خٹک، سی ای او، گندھارا نسان لمیٹڈ (دائیں) کے ساتھ معاہدے پر دستخط کر رہے ہیں۔ تقریب میں جنرل (ر) علی خان خٹک، چیئرمین، گندھارا نسان لمیٹڈ (بائیں) بھی شریک ہیں۔

یہ قدم نسان کی ابھرتی ہوئی عالمی آٹوموٹو مارکیٹوں میں شامل ہونے کی حکمت عملی کا حصہ ہے، جو صارفین کی بڑھتی ہوئی طلب کو پورا کرنے کے لیے برانڈز اور مصنوعات لارہاہے۔ پاکستان میں پہلی مقامی طور پر تیار کردہ گاڑیوں کی فروخت مالی سال 2019ء میں شروع ہونا متوقع ہے۔

“پاکستان کی آٹوموٹو مارکیٹ میں یہ داخلہ مینوفیکچرنگ کے مقامی بنیادی ڈھانچے اور معاشی سرگرمی کے حوالے سے جاری ترقی میں ایک اہم قدم کا نمائندہ ہے۔” پیمان کارگر، نسان کے سینئر نائب صدر نے کہا۔

“ہمیں یقین ہے کہ حکومت پاکستان کے قریبی تعاون اور مدد سے، یہ قومی معیشت، صارفین، شراکت داروں اور نسان سب کے لیے فوائد پیش کرے گا۔ گندھارا کے ساتھ ہم ٹیکنالوجی اور مہارت کی منتقلی اور اسے مقامیانے کے لیے رسد کنندگان کے ساتھ کام کریں گے، جو مقامی پرزہ جات کی ابھرتی ہوئی صنعت پر دیرپا اثرات ڈالے گا۔” کارگر نے مزید کہا۔

نسان کا داخلہ پاکستانی صارفین کو تازہ اور دلچسپ گاڑیاں فراہم کرے گا جو جدید جاپانی انجینئرنگ کے ساتھ ڈیزائن اور تیار کی گئی ہیں۔

یہ آٹوموٹو صنعت کو بھی زبردست تحریک دے گا، جو پہلے ہی پاکستان کی کل مقامی پیداوار کا تقریباً 4 فیصد ہے۔ گندھارا پاکستان اگلے چار سالوں میں میں 4.5 ارب روپے (41 ملین ڈالرز) کی سرمایہ کاری کرے گا۔ منصوبہ اور ریٹیل نیٹ ورک کی تعمیر 1,800 سے زیادہ ملازمتیں تخلیق کرے گی۔
Nissan Datsun PR PakWheels (1)

کراچی کے پورٹ قاسم میں عالمی معیار کے مینوفیکچرنگ پلانٹ کے لیے نسان اور گندھارا مل کر گندھارا کی تنصیبات تعمیر کریں گے۔ شراکت دار طویل المیعاد تعلق رکھتے ہیں اور وسیع مقامی معلومات اور تجربے کے حامل ہیں۔ منصوبہ حکومت پاکستان کی آٹوموٹو ڈیولپمنٹ پالیسی کے تحت براؤن فیلڈ کیٹیگری اسٹیٹس کا اہل بن چکا ہے۔

“یہ معاہدہ عالمی معیار کی تنصیبات اور بہترین جاپانی انجینیئرنگ ٹیکنالوجیز متعارف کروائے گا۔” احمد قلی خان خٹک،سی ای او گندھارا نے کہا۔

“پرزہ جات کی تیاری کو مقامیا کر اور گاڑیاں فراہم کرنے کی صنعت کو ترقی دے کر یہ پاکستان کو تکنیکی مدد فراہم کرے گا اور جاپان کے ساتھ شراکت داریوں کو فروغ دے گا۔ پاکستان میں صارفین زیادہ وسیع انتخاب کا فائدہ اٹھائیں گے اور گاڑیوں اور ملک کے لیے بہترین جدید خصوصیات کے ساتھ ڈرائیونگ کا لطف اٹھائیں گے۔”
Nissan Datsun PR PakWheels (5)

Nissan Datsun PR PakWheels (4)

Nissan Datsun PR PakWheels (2)


Top