نان-فائلرز اب گاڑیاں خرید سکتے ہیں: وزیر خزانہ


وفاقی حکومت نے اب نان-فائلرز کو گاڑیاں خریدنے کی اجازت دے دی ہے۔

چند روز قبل فیڈرل بورڈ آف ریونیو نے نان-فائلرز کو گاڑیاں خریدنے سے روک دیا تھا جس کا مقصد ملک میں انکم ٹیکس فائلرز کی تعداد میں اضافہ کرنا تھا۔ البتہ وزیر خزانہ پاکستان اسد عمر نے بجٹ 2018-19ء میں ترامیم پیش کرتے ہوئے اعلان کیا کہ نان-فائلرز اب گاڑیاں خرید سکتے ہیں۔

کئی صنعتی ماہرین کے مطابق نان-فائلرز پر پابندی ملک میں گاڑیوں کی فروخت میں کمی کے اسباب میں سے ایک تھا۔ لیکن یہ حالیہ پیشرفت گاڑیوں کی فروخت پر زبردست اثر ڈالے گی، جس سے فروخت میں اضافہ ہوگا۔

ایک ڈیلر نے PakWheels.com سے گفتگو کرتے ہوئے نان-فائلرز پر گاڑیاں خریدنے کی پابندی واپس لینے پر حکومت کو سراہا۔ یہ بلاشبہ حکومت کا ایک بہترین قدم ہے کیونکہ یہ صارفین اور آٹومیکرز دونوں کو ریلیف دے گا، انہوں نے مزید کہا۔

ہماری طرف سے اتنا ہی، اس تازہ ترین پیشرفت کے بارے میں آپ کیا سمجھتے ہیں، نیچے تبصروں میں ضرور بتائیں۔


Top