ہونڈا BR-V کی باقاعدہ ٹیسٹ ڈرائیو کی تصویریں

pic-i

ہونڈا اٹلس کارز (پاکستان) لمیٹڈ نے بالی انڈونیشیا میں میڈیا حکام کے لیے ایک ٹیسٹ ڈرائیو ایونٹ کا اہتمام کیا۔ اس کا مقصد پاکستان میں مقامی سطح پر پہلی بار بنائی گئی بلکل نئی 7 سیٹر ایس یو وی بی آر وی کا پورے پاکستان کے اعلی میڈیا حکام کو صحیح مزہ اور تجربہ دینا تھا۔

شرکاء اس دلچسپ ایونٹ میں حصہ لینے کے لیے پاکستان سے بالی، انڈونیشیا اڑ کر گئے۔ بی آر وی کی ٹیسٹ ڈرائیو کا اہتمام باٹور جیو پارک میں کیا گیا تھا اور یہ جگہ باٹور کے ایک فعال آتش فشاں پہاڑ پر موجود ہے۔ اپنے مضبوط ونگ فیس اور اونچے گراونڈ کلیرنس کی وجہ سے بی آر وی اس خوبصورت باٹور پارک میں چلانے کے لیے ایک بہترین گاڑی تھی۔ گاڑی بہت سخت اور مضبوط ہے جو خراب اور کچے راستوں کو بہت اچھے سے قبول کر لیتی ہے۔ شرکاء کو خراب زمینی راستوں پر بی آر وی کی آرام دہ سواری سے بہت مزہ آیا۔ اس بہترین ٹیسٹ ڈرائیو کے دوران شرکاء نے نہ صرف ڈرائیو کا لطف اٹھایا بلکہ اس کے کئی فیچرز جیسا کہ الیکٹرک پاور سٹئیرنگ، ایکو انڈیکیٹر، ملٹی انفارمیشن ایل سی ڈی ڈسپلے، آڈیو سٹیرنگ سوئچز، ٹرنگ سگنل کے ساتھ پاور ڈور مرر، پچھلا پارکنگ کیمرہ وغیرہ کا تجربہ بھی حاصل کیا۔ مقامی سطح پر تیار ہونے والی اکلوتی مڈ سائز ایس یو وی ہونے کی وجہ سے بی آر وی مقامی آٹو مارکیٹ میں ایک دلچسپ اضافہ کرنے جا رہی ہے۔ بی آر وی ایک 1.5 لیٹر کے i-VTEC انجن سے لیس ہے جسے صرف CVT ٹرانسمیشن کے ساتھ ملایا گیا ہے۔ اس انجن کے ساتھ یہ زبردست طاقت پیدا کرتی ہے اور شاندار کارکردگی دکھاتی ہے۔ شرکاء نے گھومتے، چڑھتے اور اترتے ہوئے راستوں پر ڈرائیونگ کا مزہ لیا۔ انہوں نے اس یادگار سفر پر گاڑی کی ڈرائیو اور کارکردگی کا مزہ اٹھایا۔ چونکہ ہماری سوسائٹی بڑے خاندانوں پر مشتمل ہے اور شہروں سے دیہاتوں کی طرف اکثر سفر کیا جاتا ہے تو یہ 7 سیٹر بی آر وی ایک بہترین آپشن ہو سکتی ہے۔

انتظار اب آخر کار ختم ہوچکا ہے اور پورے ملک میں ہونڈا 3 ایس ڈیلرز کے پاس اس کی بکنگ جاری ہے۔ بی آر وی دو گریڈز یعنی i-VTEC اور i-VTEC S  میں دستیاب ہو گی جن کی عارضی قیمتیں بالترتیب 2229000 روپے اور 2329000 روپے ہیں۔ اب گاہک کم از کم ا ملین روپے کی پیشگی ادائیگی کر کے بی آر وی بک کروا سکتے ہیں۔

pic-iiipic-i

pic-ii

Top